Исроил томони ҲАМАС вакилларини Москвага боргани муносабати билан Россияга кескин норозилик билдирди.
Россия БМТ Хавфсизлик Кенгашининг ҲАМАСни қораловчи резолюциясига вето қўйганидан бир кун ўтиб, ҳарбий гуруҳ делегацияси Москвага борган.
«Исроил ХAМAСнинг юқори мартабали мулозимларини Москвага таклиф қилишни терроризмни қўллаб-қувватловчи ва ХAМAС террорчиларининг ваҳшийликларини қонунийлаштирадиган номақбул қадам деб ҳисоблайди», дейди Исроил Ташқи ишлар вазирлиги матбуот котиби Лиор Ҳаят.
Исроилнинг Россияга нисбатан оммавий танқиди кам учрайди, дея қайд этади нашр.
Эслатиб ўтамиз, бугун ҲАМАС вакиллари Россияга боргани ҳақида хабарлар эълон қилинди. Россия ТИВга кўра, томонлар асир олинган рус фуқаролари ва шунга ўхшаш масалаларни муҳокама қилишган.
“Замин” янгиликларини “Telegram”да кузатиб боринг
