Австралия Исроилга мурожаат қилди: “Тинч аҳоли ҲАМАС учун товон тўламаслиги керак”

Австралия ташқи ишлар вазири Пенни Вонг халқаро ҳамжамият Исроилнинг Ғазо секторидаги ҳарбий ҳужумлари туфайли тинч аҳолининг қурбон бўлишини қабул қилмаслигини айтиб, Исроилни вазминликка чақирди. Бу ҳақда “ТАСС” хабар берди.

“Ҳақиқат шундаки, халқаро ҳамжамият Ғазо секторида тинч аҳоли ҳалок бўлишини қабул қилмайди. Шундай экан, Исроилнинг дўстлари ва ҳамкорлари, жумладан, Австралия уни вазминликка ва тинч аҳолини ҳимоя қилишга чақирганда, Исроил тинглаши ҳақиқатан ҳам муҳим”, — деди у.

Вазирнинг таъкидлашича, Австралия ҳукумати ва парламенти “Исроил 7 октябрь куни ҲАМАС ҳужумидан кейин ўзини ҳимоя қилиш ҳуқуқига эга, аммо бу ҳуқуқдан қандай фойдалангани катта аҳамият касб этади”.

 “Исроил халқаро ҳуқуқ ва уруш қоидаларини ҳурмат қилишга мажбур. Тинч аҳоли ҲАМАС томонидан содир этилган даҳшатлар учун товон тўламаслиги керак ва исроилликлар ва фаластинликлар учун адолатни қўллаб-қувватлаб, буни очиқдан очиқ талаб қилишда давом этамиз”, — деди у.

Шунингдек, вазир 1 ноябрь куни Рафаҳ назорат-ўтказиш пункти орқали Ғазо секторини тарк этишга муваффақ бўлганлар орасида ушбу мамлакат фуқаролари борлигини тасдиқлади.

“Ушбу биринчи гуруҳ чегарани кесиб ўтишга муваффақ бўлганидан жуда хотиржамман ва миннатдорман”, — деди Вонг.