Исроил ва ҲАМАС ўт очишни уч кунга тўхтатишга келишиб олди

Фаластиннинг ҲАМАС ҳаракати ва Исроил ҳукумати Ғазо секторида уч кунлик ўт очишни тўхтатиш бўйича сулҳга эришди. Бу ҳақда Аl Arabiya телеканали хабар берди.

Хабарга кўра, “конфликт томонлари ўртасидаги келишув Ғазода уч кунлик сулҳни ўз ичига олади”. Шунингдек, Исроил томони Фаластин секторига “БМТ назорати остидаги чекланган миқдордаги ёнилғи” ўтказилишини маъқуллагани таъкидланган.

Бунгача оммавий ахборот воситалари томонлар ҲАМАС томонидан гаровга олинган 50 нафар аёлни Исроил қамоқхоналарида сақланаётган 50 нафар фаластинлик аёл ва ўсмирга алмаштириш бўйича келишувга эришгани ҳақида хабар берганди. Келишувнинг кучга кириш санаси ҳақида маълумот берилмаган.