22:18 / 14.01.2024
184

Сомали баҳсли ҳудуд сабабли Эфиопияга таҳдид қилди: “Биз урушга тайёрмиз”

Сомали баҳсли ҳудуд сабабли Эфиопияга таҳдид қилди: “Биз урушга тайёрмиз”

Фото: “cntv.co”

Сомали Эфиопиянинг Сомалиленднинг ажралган ҳудудини тан олишини ва у ерда порт қуришни тўхтатиш учун урушга киришга тайёр. Бу ҳақда Сомали президентининг катта маслаҳатчисига таяниб, Тhе Guardian хабар берди.

1 январь куни имзоланган англашув меморандуми денгизга чиқиш имкони бўлмаган Эфиопияга Сомалиленд қирғоғида ҳарбий-денгиз базасини қуришга рухсат беради. Сомали эса Сомалилендни ўз ҳудуди деб даъво қилади ва келишувни ҳақиқий эмас деб эълон қилган.

7 январь куни мамлакат президенти Ҳасан Шайх Моҳамуд Сомали пойтахти Могадишода келишувга қарши митинглар бўлиб ўтган бир пайтда Сомалини “ватанни ҳимоя қилишга тайёрланишга” чақирган.

Биз барча дипломатик вариантларни фойдаланмоқдамиз ва Эфиопия ўзига келади деб ўйлайман, аммо Абий урушни хоҳласа, биз унга тайёрмиз”, — дея Сомали президенти маслаҳатчиси Эфиопия бош вазири Абий Аҳмадга ишора қилган.

Эфиопия ва Сомали 1977—78 йилларда баҳсли ҳудуд учун конфликтга дуч келган ва таранглик ҳали ҳам давом этмоқда. Эфиопия 2006 йилда Могадишудан исломчиларни сиқиб чиқариш учун Сомалига бостириб кирган ва бу “ал-Шабоб” ҳаракати исёнини кучайтиришга ёрдам берган.

Сомалиленд 1960 йилгача Британия мустамлакаси эди. Ҳудуд ихтиёрий равишда собиқ Италия мустамлакаси ҳисобланган Сомали билан бирлашишдан олдин 5 кун давомида мустақил бўлган. Бу нотенг иттифоқ бўлиб, 1991 йилда Сомалиленднинг ажралиб чиқиши билан якунланди. Бугунги кунда Сомалиленд ўз валютаси, парламенти ва хорижий дипломатик ваколатхоналарига эга де-факто мустақил давлатдир.

arenda kvartira tashkent

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё