Байден Украинасиз Исроилга молиявий ёрдам кўрсатиш ҳақидаги қонун лойиҳасига вето қўяди

^{Фото: Getty Images}
АҚШ президенти Жо Байден агар Украинага ёрдам кўрсатилмаса, Исроилга қўшимча маблағ ажратиш ҳақидаги қонун лойиҳасини қабул қилмайди. Бу ҳақда Оқ уйга таяниб, Тhе Guardian хабар берди.

Президент администрацияси ҳужжатнинг тегишли варианти фақат ”сиёсий ҳийла” экани, уни Конгресснинг иккала палатаси ҳам рад этиши кераклигини таъкидлади.

“Агар президентга ушбу қонун лойиҳаси тақдим этилса, у вето қўярди”, — таъкидлади Оқ уй ва Сенат ва Вакиллар палатасини Исроилга ҳам, Украинага ҳам пул ажратадиган версияни тезда тасдиқлашга чақирди.

Таъкидланишича, администрация бундай қонун лойиҳасига “қатъий қаршилик кўрсатмоқда”, чунки у “чегарани ҳимоя қилиш учун ҳеч нарса қилмайди” ёки Украинани қўллаб-қувватламайди.

3 февраль куни бир гуруҳ АҚШ конгрессменлари қонун лойиҳасини тақдим этишди. Вакиллар палатаси спикери Майк Жонсон қонунчилар бу ҳафта ташаббусга овоз беришларини айтди.

4 февраль куни Сенат 2024-молия йилида қўшимча маблағ ажратиш бўйича пакетли келишувларни тақдим этганди. У ўтган йилнинг 1 октябрида АҚШда бошланган, жанубий чегарада чегара назоратини кучайтириш, Украина ва Исроилга ёрдам кўрсатиш учун маблағлар ажратишни назарда тутади. “Замин” янгиликларини “Telegram”да кузатиб боринг