Франция президенти хавфсизлик сабабли Украинага ташрифини бекор қилди

^{Фото: Украина президенти матбуот хизмати}
Франция президенти Эммануэл Макрон режалаштирилганидек 13 ва 14 февраль кунлари Украинага ташриф буюрмайди. Бу ҳақда Challenges хабар берди.

Елисей саройи, ташриф хавфсизлик сабаб қолдирилганини маълум қилди. Бу ҳам француз, ҳам украиналик дипломатларда кўплаб саволлар туғдирган, улар бундан “ҳайратланган”. Франция президенти дастлаб Одессага ташриф буюриши, сўнг Киевга бориши режалаштирилган эди. У 200 миллион евролик фуқаролик лойиҳалари учун хайрияларга сарфланадиган фонд яратилишини эълон қилиши кутилганди.

Қайд этилишича, Украинага ташрифни Меdef International француз-украина бизнес уюшмаси ҳам бекор қилган. Макроннинг Киевга сафари энди қачон амалга ошиши ҳақида расмий маълумот берилмаган.

10 февраль куни Украина президенти Владимир Зеленский Франция президенти Эммануэл Макрон билан телефон орқали мулоқот қилганди. Натижада томонлар Париж Украинага ўнлаб “Сезар” артиллерия тизимлари, шунингдек, улар учун снарядлар ишлаб чиқариши ва бериши ҳақида келишиб олганди. “Замин” янгиликларини “Telegram”да кузатиб боринг