Россия Эстония бош вазирини қидирувга берди

^{Фото: Delfi}
Эстония бош вазири Кая Каллас жиноий айбловлар билан қидирувга берилган. Бу ҳақда Россия Ички ишлар вазирлигининг қидирув маълумотлар базасига таяниб, “ТАСС” хабар берган.

Унга кўра, Каллас Кая Жиноят кодекси бўйича қидирилмоқда, бироқ қидирув қайси модда бўйича олиб борилаётгани кўрсатилмаган. Шунингдек, Россия Ички ишлар вазирлигининг маълумотлар базасида Эстония давлат котиби Таимар Петеркопга нисбатан ҳам Россия Федерацияси Жиноят кодекси моддаси бўйича қидирув эълон қилинган.

Шу билан бирга, “ТАСС” ҳуқуқ-тартибот идоралари совет аскарлари ёдгорликларини йўқ қилиш ва зарар етказганлиги учун Каллас ва Петеркопга қарши иш очилганини хабар қилган.

Ўтган сентябрь ойида РФ Тергов қўмитаси 170 дан ортиқ чет эл фуқароларини, жумладан, Латвия, Литва, Эстония, Польша ва Украина фуқароларини совет аскарлари ёдгорликларини таҳқирлаш ва вайрон қилиш ишларида айбланувчи сифатида сиртдан айблади. Қайд этилишича, терговчилар томонидан 16 та жиноий ҳолат бўйича иш олиб борилмоқда, совет аскарларининг ҳарбий қабрлари, ёдгорликларитш таҳқирлаш, йўқ қилиш ёки зарар етказиш билан боғлиқ 143 та ҳолат бўйича тергов ҳаракатлари олиб борилмоқда. “Замин” янгиликларини “Telegram”да кузатиб боринг