ҲАМАС Нетаньяхунинг янги шартларига рози бўладими?

^{Фото: AP Photo}
Исроил ишчи гуруҳи асирларни озод қилиш бўйича музокараларни Қатарда давом эттиради. Бош вазир Париждаги музокаралар натижасидан норози бўлган, Моссад раҳбари Давид Барнеани музокараларнинг боришини мураккаблаштирадиган янги шартларни илгари сургани учун жазолаган. Бу ҳақда Israelinfo хабар берди.

Бош вазирнинг ҳозирча иккита янги талаби маълум. Биринчи навбатда ҲАМАСдан ҳали тирик асирлар рўйхатини талаб қилиш, бундай рўйхат олинмагунча бошқа тафсилотларни муҳокама қилмаслик топширилган. Делегация қабул қилган иккинчи буйруқ Исроил гаровга олинганлар эвазига озод қиладиган “тажрибали” террорчиларни хорижга депортация қилиш тўғрисидаги бандни киритишни сўрашдан иборат.

Манбаларга кўра, мазкур шартлар илгари Париждаги саммитда муҳокама қилинмаган, улар Исроил делегацияси Марказий разведка бошқармаси директори ва араб воситачиларига қўйган талаблар рўйхатида мавжуд эмас. Бу Нетаньяхунинг махфий мақсади деган гумонлар ҳам мавжуд. ҲАМАС Парижда келишилган айирбошлаш битимига ҳозирча расмий жавоб бермаган.

Кечаси ҳарбий маҳкама йиғилишида Ғазога гуманитар ёрдам етказиб беришнинг янги схемаси тасдиқланган. Бош вазир девонининг таъкидлашича, янги схема шимолда ва Ғазонинг бошқа ҳудудларида содир бўлган талончиликдан қочишга ёрдам беради. Вазирлар, шунингдек, аҳолини Рафаҳдан эвакуация қилиш режасини муҳокама қилган. “Замин” янгиликларини “Telegram”да кузатиб боринг