Эрон Мудофаа вазирлиги: Эроннинг қурол экспорти 5 баробарга кўпайди

^{Фото: IRNA}
Эрон ҳарбий саноати сўнгги 2 йилда ҳарбий техника экспортини 4-5 баробарга оширишга эришди. Мамлакат эндиликда Яқин Шарқдаги йирик қурол-яроғ ишлаб чиқарувчига айланган. Бу ҳақда Эрон раҳбарияти ва расмий идоралар тарқатган маълумотларга асосланиб, IRNA нашри хабар берди.

13 март куни Эрон Мудофаа вазирлиги бригада генерали Муҳаммад Ризо Аштиани Теҳрондаги вазирлар маҳкамаси йиғилишидан сўнг журналистларга интервью берган. Унда мамлакат расмийси Эроннинг сўнгги йиллардаги ҳарбий салоҳиятини юқори баҳолаб, мамлакат қурол экспорти 5 баробар ошганини таъкидлаган.

“Инновациялар ва ишлаб чиқарилаётган қурол турлари туфайли бу миқдор келажакда янада ошади”, — дея қўшимча қилган Аштиани.

Генерал Аштиани ,шунингдек, Эроннинг бошқа давлатлар билан ҳарбий ва мудофаа алоқаларига тўхталган. Расмийга кўра, Теҳрон яқин орада Арманистон ва Қатар расмийлари билан бир қатор музокаралар ва учрашувлар ўтказган. Учрашувлар мазмуни жамоатчиликка очиқланмаган. “Замин” янгиликларини “Telegram”да кузатиб боринг