Россияда якунига этган сайловларда Владимир Путин 87 фоиздан ортиқ овоз тўплаб, ишончли ғалабага эришди. Нафақат Россия шаҳарларида, балки бутун дунё бўйлаб сайлов участкаларида ҳам сайловчиларнинг узун навбатлари пайдо бўлди.
Ўзбекистонда 4661 нафар Россия Федерацияси фуқароси Тошкент ва Самарқанддаги сайлов участкаларида овоз берди, деб хабар қилди Россия дипломатик миссияси. Мутахассислар Sputnik Ўзбекистон мухбирига икки давлат ўртасидаги муносабатлар қандай ривожланиши ва президентлик сайловидаги бу ғалаба Ўзбекистон учун нимани англатишини айтиб берди.
Ишонч референдуми
“Man’o” тадқиқот ташаббуслари маркази директори Бахтиёр Эргашевнинг сўзларига кўра, Россияда бўлиб ўтган президентлик сайловлари натижалари тарихий рекорддир. Россияда сиёсий амалиётда амалдаги президентга овоз берадиган бундай кўп сайловчи бўлмаган, дейди эксперт. Айни пайтда, Бахтиёр Эргашевга кўра, сайловчилар нафақат президентга овоз берган.
“Бу кўпроқ амалдаги ҳукумат ва амалдаги президентга ишонч референдуми эди. Россиялик сайловчиларнинг кўпчилиги унинг йўналишини, шунингдек, унинг жамоасини қўллаб-қувватлади. Бу президент ва унинг жамоасига билдирилган жиддий ишончдир. Сайловчиларнинг мутлақ кўпчилиги бу йўналишни ва унинг нима қилишини қўллаб-қувватлади. Бунга мамлакат ичидаги иқтисодий сиёсат ҳам, Украинадаги махсус ҳарбий операция билан боғлиқ барча нарсалар ҳам киради”, — дейди сиёсатшунос.
Сиёсатшунос ва мустақил эксперт Бахтиёр Алимжонов ҳам худди шундай фикрда. Унинг фикрича, Владимир Путиннинг сайловларда қўллаб-қувватланиши, биринчи навбатда, президентнинг ижтимоий сиёсати (хусусан, кўп болали оилаларни қўллаб-қувватлаш) билан боғлиқ, ташқи сиёсатда эса Россия раҳбари глобал жанубнинг интилишларини қўллаб-қувватлайди ва халқаро муносабатларнинг янги архитектурасини фаол равишда ҳимоя қилади.
“Кўп қутбли дунё ва ижтимоий адолат Путиннинг глобал дунёдаги асосий ғоялари. Улар Россия Федерацияси халқи билан резонанс уйғотди ва шунга мос равишда президентлик сайловларида ғалабани таъминлади”, — дея қўшимча қилади Алимжонов.
Стратегик ҳамкорликни чуқурлаштириш
Бундан ташқари, экспертлар Путиннинг жорий сайловдаги ғалабаси Ўзбекистон билан муносабатларни мустаҳкамлайди, деган фикрда.
“Сайловлар натижасида президент Путин ҳозирги сиёсатини давом эттиради ва бу Ўзбекистон учун фойдалидир. Ишончим комилки, бизни олдинда янги йирик лойиҳалар, шунингдек, Россия билан кўплаб соҳаларда ҳамкорликни кенгайтириш ва чуқурлаштириш кутмоқда”, — деди Эргашев.
Сиёсатшуносга кўра, сайлов натижалари Россия бундан кейин ҳам асосий савдо-иқтисодий шериклардан бири бўлиб қолишига жиддий умид беради. Ўз навбатида, Россия бозори ўзбек товарлари учун очиқ бўлади ва Россия компаниялари Ўзбекистонга сармоя киритишда давом этади.
“Бу ҳамкорликни ривожлантириш учун жуда жиддий пойдевор, – дейди Эргашев сайлов якунларини сарҳисоб қилар экан.
Сиёсатшунос ва мустақил эксперт Бахтиёр Алимжонов фикрича, Путиннинг янги президентлик муддати ўрнатилган алоқа ва муносабатларни мустаҳкамлайди ва Ўзбекистон томонидан узоқ муддатда қабул қилинади.
“2018 йилда Тошкентда Путин ва Мирзиёев томонидан давлат ташрифи чоғида имзоланган барча лойиҳалар амалга оширилади. Мамлакатлар ўртасидаги товар айирбошлаш кўпаяди, сайёҳлар оқими ва маданий алмашинув ортади”, — дейди мустақил эксперт.
Алимжоновнинг сўзларига кўра, яқин ўн йилликларда Ўзбекистон Россия Федерациясининг стратегик ҳамкори бўлиб қолади ва Путиннинг янги муддати мамлакатлар ўртасидаги муносабатларнинг жадал ривожланишига ижобий ҳисса қўшади.
Эслатиб ўтамиз, 2024 йилги Россия президенти сайловида овоз бериш 3 кун давом этди: 15, 16 ва 17 март кунлари. Давлат раҳбари лавозимига тўрт нафар номзод рўйхатга олинган: Леонид Слуцкий (ЛДПР), Николай Харитонов (КПРФ), Владислав Даванков (Новие люди) ва Владимир Путин (мустақил номзод). “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда ишлаш истагида бўлган ўзбекистонлик мутахассислар учун немис тили ўргатилади
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
