Эфиопиядаги банкдан мижозлар 40 млн доллар ўғирлади

^{Фото: CNBC}
Эфиопиянинг энг йирик тижорат банки ҳисобланган Commercial Bank of Ethiopia (CBE) фаолиятидаги узилишлар натижасида мижозлар ўз ҳисобварақларидан мавжуд суммадан ортиқ миқдорда пул ечиб олди. Бу ҳақда CNBC хабар берди.

Кредит ташкилоти мутахассислари транзакцияларни атиги икки соатдан кейин тўхтатишга муваффақ бўлган. Мижозлар 40 миллион доллардан ортиқ маблағни ечиб олиб, бошқа банкларга ўтказган. Пулнинг катта қисмини носозлик ҳақида маълумот тарқатган талабалар олиб қўйган.

Улардан бирига кўра, полиция университет шаҳарчасидаги банкоматлар олдидаги узун навбатларни тарқатишга мажбур бўлган. Бир нечта университетлар дарҳол талабаларни уларга тегишли бўлмаган маблағларни қайтаришга чақирган. CBЕ президенти Аби Санонинг сўзларига кўра, банк ўз ихтиёри билан пулни қайтарганларга талаб қўймайди.

Ҳозирда банк тизимдаги хавфсизлик текширувлари туфайли мижозларга хизмат кўрсатишни вақтинча тўхтатган. “Замин” янгиликларини “Telegram”да кузатиб боринг