Италияда 4,4 магнитудали зилзила содир этилди

Кеча Италиянинг Аркуата - дел - Тронто шаҳри яқинида 4,4 магнитудали янги зилзила бўлганлиги қайд этилди, деб tjournal.ru хабар бермоқда.

Унинг эпитсентри 9 км чуқурликда жойлашди. Ер силкиниши Римда ҳам кузатилганлиги тўғрисида маълумот берилмоқда. Хабарингиз бўлса, бу шаҳарда 24 август куни ҳам ер силкиниши кузатилганди. Ўшанда 290 киши ҳалок бўлган, 2,5 мингга яқин инсонлар бошпанасиз қолганди.