АҚШ собиқ президенти лимузини аукционга қўйилди (фото)

АҚШ собиқ президентининг 1965 йилда ишлаб чиқарилган тарихий Lincoln Continental лимузини кимошди савдосига қўйилди. Оқ уйдаги лимузинларнинг аксарияти музейларда туради, бироқ бу камдан-кам истисно ҳолатидир, деб ёзмоқда Car and Drive нашри.

^{Фото: Car and Drive}
1965 йилги Lincoln Continental 1964—1970 йилларда Чикагода Леманн-Петерсон томонидан ишлаб чиқарилган 500 та лимузиндан биридир. Ўшанда федерал ҳукумат 15 та машина сотиб олган ва бу автомобиль АҚШнинг 36-президенти Линдон Жонсоннинг администрациясига топширилган.

^{Фото: Car and Drive}
Сўнгги эллик йил ичида собиқ президентларга тегишли лимузинлар йўқ қилинган ёки музейга топширилган. Аммо бу 6,4 метр узунликдаги Lincoln Continental ҳозирда Bring a Trailer аукционида сотилмоқда. Сотувчи машинани 22 йил сақлаган, шунга қарамай, у бир неча минг километрни бемалол босиб ўтган. Бугунги кунга келиб, масофа тахминан 59 546 километрни ташкил этади.

^{Фото: Car and Drive}
“Машина худди тош блокдан ўйилгандек йўл бўйлаб ҳаракатланади. У анча кучли”, — дейди сотувчи Жон Лоулор.

Вашингтон атрофида тез-тез хорижлик дипломатлар ва махсус меҳмонларни олиб юрган лимузин ҳеч қандай зирҳга эга эмас, 7,0 литрли V8 двигателига эга ва ортиқча тонна юк кўтармайди. Шу билан бирга, у асл кристалл графинли бар пештахтаси, шунингдек, Оқ уй телефони билан жиҳозланган.

^{Фото: Car and Drive}
Лоулор 2002 йилда Линкольн автомобилини сотиб олганида, у оддий Леманн-Петерсон лимузинини сотиб олдим деб ўйлаган. Аммо етказиб берувчи Жонсоннинг 1965 йилги инаугурациясидаги ручкаси ва олтин брелок солинган махсус қутиси билан келганида, машина президентга тегишли бўлганини тушунган.

^{Фото: Car and Drive} “Замин” янгиликларини “Telegram”да кузатиб боринг