Миллиардер ўз ҳуқуқлари бузилгани тўғрисида берган аризаси бўйича жиноий иш қўзғатилди. Bild нашрига кўра, бу 2022 йилда Усмоновнинг мулкида ўтказилган ноқонуний тинтувлар билан боғлиқ.
USM асосчиси Алишер Усмонов (Forbes талқини бўйича россиялик миллиардерлар орасида 14,4 миллиард доллар билан 8-ўринда туради) ўз ҳуқуқлари бузилгани ҳақида ариза берди, шундан сўнг Франкфурт-на-Майнда икки нафар прокурорга нисбатан жиноий иш қўзғатилди.
Франкфурт прокуратураси матбуот котиби Доминик Миеснинг айтишича, иш битта юқори лавозимли прокурор ва Бош прокуратуранинг бир нафар ходимига нисбатан очилган. Унинг сўзларига кўра, бунга икки кишининг, жумладан «Россия Федерациясидан келган 70 ёшли тадбиркорнинг» аризаси сабаб бўлган.
Bild нашрининг ёзишича, иш адолатдан бўйин товлаганликда ва бегуноҳларни таъқиб қилганликда гумон қилиниб очилган. Нашр бу ишни 2022 йилнинг кузида бўлиб ўтган тинтувлар билан боғлайди, Франкфурт суди ўтган йилнинг май ойида уни ноқонуний деб эълон қилган ва кейинроқ тинтувлар чоғида қўлга киритилган барча ашёларни қайтаришни буюрганди.
Усмонов 2022 йилдан бери Европа Иттифоқи санкциялари остида. У уларни судга тортишга қарор қилган. Германия тергов органлари россиялик тадбиркорни ўзлаштириш ва солиқ тўлашдан бўйин товлаганликда гумон қилмоқда. Тадбиркор барча айбловларни қатъиян рад этади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Учар автомобил йўловчи билан биринчи парвозини амалга оширди (видео)
Владимир Путин «Крокус»да содир этилган теракт учун ўч олишга чақирди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Испания ва Греция Киевга Patriot тизимларини етказиб беришдан бош тортди
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
Велосипедда сайр қилиш учун 3 сабаб: ёшартиради, оздиради ва умрни узайтиради
“Толибон” Афғонистоннинг Хост вилоятида беш нафар фуқарони қамчи билан жазолади