Бразилияда 500 килодан ортиқ кокаин олиб кетаётган самолёт қўлга олинди

^{Фото: Google Images}
Бразилия ҳарбий-ҳаво кучлари 500 килодан ортиқ кокаин олиб кетаётган икки двигателли самолётни тўхтатиб қолди. Бу ҳақда “ТАСС” хабар берди.

Дастлабки маълумотларга кўра, самолёт қўшни Боливиядан ҳавога кўтарилган. Бразилия ҳаво ҳудудига кирганида учувчи алоқага чиқишдан бош тортган. Кейин маҳаллий ҳаво кучлари уни Мато Grossо штатига қўнишга мажбур қилди.

Тинтув давомида самолёт бортида 500 килограммдан ортиқ кокаин топилди.

4 март куни Рио-де-Жанейро аэропортида Бразилия тарихидаги энг йирик кокаин жўнатмаси мусодара қилинганди. Полиция 48 қоп ичида деярли 1,5 тонна гиёҳванд моддаларни аниқлаган. «Замин»ни Telegram’да ўқинг!