Фото: Stephane de Sakutin / Reuters
«Украина билан боғлиқ инқироз қанчалик узоқ давом этса, унинг Европа ва дунёга етказадиган зарари шунчалик катта бўлади, Хитой Европа қитъаси тез орада тинчлик ва барқарорликка қайтишига умид қилади ва халқаро ҳамжамият, жумладан, Франция билан инқирозни ҳал қилишнинг оқилона йўлини топишда ҳамкорлик қилишга тайёр», - дейилади Хитой етакчиси Си Жинпингнинг Францияга ташрифи муносабати билан эълон қилинган мақоласида. У 5 май, якшанба куни Хитой ҳукумати сайтида, шунингдек, Франциянинг Le Figaro газетасида чоп этилди.
Матнда таъкидланганидек, «Хитой Украина инқирозининг манбайи ҳам, унинг томони ёки иштирокчиси ҳам эмас», аммо ХХР «бу инқирозни тинч йўл билан ҳал қилишда конструктив рол ўйнади». Сўнгги далил муносабати билан, Си бир неча бор «БМТ Низомининг мақсадлари ва асослари, барча мамлакатлар суверенитети ва ҳудудий яхлитлигини ҳурмат қилиш ҳамда барча томонларнинг қонуний хавфсизлик манфаатларини ҳисобга олиш»га, ядро қуролидан фойдаланишга йўл қўймасликка чақирганини эслатди.
Макрон ва Си ўртасидаги музокараларнинг эҳтимолий мавзулари
Айни пайтда, AFP ёзганидек, Си Жинпингнинг Парижга ташрифи чоғида Франция президенти Эммануэл Макрон учун асосий устувор вазифа уни «Россияни (Украинага қарши урушда) қўллаб-қувватлаш қанчалик хавфли» экани ҳақида огоҳлантириш бўлади.
Ўз навбатида, инсон ҳуқуқлари ташкилотлари, хусусан, Human Rights Watch (HRW) Макронни Хитойда уйғурларга нисбатан муносабат ва журналистларнинг қамоққа олиниши масаласини кўтаришга чақирмоқда.
Макроннинг ўзи 4 май куни The Economist нашрига берган интервюсида «Хитойни халқаро тартиб барқарорлигини таъминлашда иштирок этишга мажбурлаш» Ғарб манфаатларига мос эканини айтди. Ўша интервюда Франция президенти Хитойни халқаро савдо қоидаларини бузаётганликда айблади ва Европа «стратегик манфаатларини ҳурмат қилиши» кераклигини айтди, деб эслатди AFP.
Си Жинпинг Европага сафари давомида ташриф буюрадиган бошқа икки давлат - Венгрия ва Сербия кузатувчилар томонидан Европада Россияга нисбатан энг дўстона давлатлар сифатида кўрилади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Шимолий Корея янги кўрсаткичларга эга баллистик ракетани синовдан ўтказди
“Рома” Шомуродов учун яна 8 миллион евро харажат қилади!
Ўзбекистонликлар доимий яшаш учун кўпроқ қайси давлатларга кўчиб кетмоқда?
D витамини дозасини ошириб юборишнинг хавфли оқибатлари
“Умра” зиёратига бориб келиш тартиби такомиллаштирилади
Пневматик қуролларни ўз ихтиёри билан топширганлар жавобгарликдан озод этилади
Жиззахда учта юк машинаси иштирокида ЙТҲ содир бўлди
