Ўзбекистоннинг Буюк Британиядаги элчиси қирол Чарльз III га ишонч ёрлиқларини топширди

^{Фото: “Дунё” АА}
Ўзбекистоннинг Буюк Британиядаги элчиси Равшан Усмонов Буюк Британия ва Шимолий Ирландия бирлашган қироллиги қироли Чарльз III га ишонч ёрлиқларини топширди. Бу ҳақда “Дунё” АА хабар берди.

Суҳбатда Чарльз III Ўзбекистон президенти Шавкат Мирзиёевга чуқур ҳурмат ва илиқ тилакларини билдирган. Элчига эса икки томонлама муносабатларни янада яхшилаш борасидаги фаолиятида муваффақиятлар тилади.

Равшан Усмонов 2023 йилнинг ноябрида Ўзбекистоннинг Буюк Британиядаги элчиси этиб тайинланганди. Унга қадар 2018 йилдан буён Ўзбекистоннинг Малайзиядаги элчиси эди.