Ўзбекистонлик профессионал боксчи Шаҳрам Ғиёсов ярим ўрта вазн тоифасида WBA Regular чемпионлик камари учун кечган жангда британиялик Жек Каттераллга имкониятни бой берди. Ушбу жанг Ғиёсов фаолиятидаги илк мағлубият сифатида қайд этилди.
Беллашувдан сўнг боксчи ижтимоий тармоқ орқали мухлисларига мурожаат қилди. У қисқа, аммо самимий хабари билан қўллаб-қувватлаётганларга миннатдорлик билдирди.
“Нима бўлишидан қатъи назар, Алҳамдулиллаҳ. Ҳаммага катта раҳмат. Биз кучли бўлиб қайтамиз”, — деб ёзди Шаҳрам Ғиёсов.
Мухлислар ва спорт ихлосмандлари эса боксчини қўллаб-қувватлаб, мағлубият спортнинг бир қисми эканини таъкидлашмоқда. Ижтимоий тармоқларда Ғиёсовнинг яна кучлироқ қайтишига ишонч билдирувчи изоҳлар кўплаб ёзилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
