Шольц: “Биз терроризмга қарши курашамиз”

^{Фото: Bloomberg}
Германия канцлери Олаф Шольц мамлакатда қонун ва тартиб ўсишига оид хавотирларга жавобан оғир жиноятлар содир этган муҳожирларни ўз ватанларига депортация қилишга ваъда берди. Бу ҳақда Bloomberg хабар берди.

Шунингдек, канцлер яқинда афғон томонидан пичоқланган немис полициячининг ўлимини террор ҳаракат деб баҳолаб, бундай сиёсий зўравонликларга тоқат қилмаслигини таъкидлаган.

“Биз терроризмга қарши курашамиз”, — дея қўшимча қилган немис канцлери.

Германия Европарламент сайловлари олдидан бир қанча зўравонлик ва сиёсатчиларга қарши ҳужумларга дуч келди. Айрим ҳужумларда муҳожирлар иштирок этгани боис депортация қоидаларини кучайтириш талаблари илгари сурилмоқда.

Шольц ҳужумлар немислар, хорижликлар, насронийлар, мусулмонлар ёки яҳудийларга қаратилганидан қатъи назар, зўравонликка қарши туришга ваъда берган. У, шунингдек, хавфсизлик эркинлик, демократия ва қонун устуворлигининг асоси эканини таъкидлаган, 31 май куни 25 ёшли асли афғонистонлик Мангеймда сайловолди ташвиқоти чоғида олти кишини, жумладан, 29 ёшли полициячини пичоқлаб ўлдирган эди.

"Бундай жиноятчилар Сурия ёки Афғонистондан келган бўлса ҳам, депортация қилиниши керак", — деди Германия канцлери.

Мамлакат ИИВнинг ҳисоботига кўра, 2023 йилда 60 028 та жиноят қайд этилган. Бу 2001 йилдан бери энг юқори кўрсаткич деб баҳоланган. Экстремизм ва антисемитизмнинг кучайиши туфайли ўтган йилда сиёсатчиларга нисбатан ҳам очиқ тажовуз авж олган.

Янгиликлар