Инсон ҳуқуқлари бўйича Европа суди 25 июнь куни Россияни Қримда инсон ҳуқуқларини бузишда айбдор деб топган резолюция эълон қилди. Бу ҳақда ташкилотнинг расмий баёнотига асосланиб, Reuters хабар берди.
Манбада айтилишича, Россия 2014 йилда Қрим аннексияси пайтида ва ундан кейинги даврда яриморолда инсон ҳуқуқларининг ўткир даражада бузилишига йўл қўйган. Миллий озчилик манфаатларини инобатга олмаган.
Суднинг қарори Россия Қримни босиб олганидан кейинги йилларда Украина ҳукумати томонидан топширилган шикоятлардан келиб чиқиб тайёрланган. Шикоятларда яриморол ҳудудида украин аҳолиси ва тилига нисбатан репрессив сиёсат юритилгани айтилган.
Украинанинг таъкидлашича, Россия Қримда юритган сиёсат оқибатида мухолиф шахсларнинг кўпчилиги “ғойиб бўлган, янги бошқарувга қарши чиққанларга шафқатсиз муносабатда бўлинган, улар ноқонуний тарзда ҳибсга олинган.
Қрим аҳолисига Россия фуқаролигидан воз кечишда чекловлар жорий қилинган. Украин тилидаги оммавий ахборот воситалари ва бу тилда фаолият юритувчи мактаблар ёпилган.
Россия ,шунингдек, аннексия қилинган яриморолда кенг миқёсдаги “репрессия дастури” амалга оширишда айбланган. Украина тарафида бўлган ёки унга хайрихоҳ фикр билдирган ҳар қандай шахс уйдирма айбловлар билан қамалган. Уларнинг мулклари тинтув қилинган ёки ўзлаштирилган.
Европа суди бир овоздан Россияни Инсон ҳуқуқлари бўйича Европа конвенциясининг 11 та моддасини бузганликда айбдор деб топган. Улар орасида яшаш ҳуқуқи, ғайриинсоний ёки қадр-қимматни камситувчи муомалани тақиқлаш, эркинлик ва хавфсизлик ҳуқуқи, адолатли суд муҳокамаси ҳуқуқи, шахсий ва оилавий ҳаётни ҳурмат қилиш ҳуқуқи, дин эркинлиги ҳуқуқи, сўз эркинлиги, намойиш эркинлиги каби ҳуқуқларни ўз ичига олган бандлар бор.
Суд, шунингдек, Россия Европа конвенциясининг учта протоколини: мулкни ҳимоя қилиш, таълим олиш ҳуқуқи ва ҳаракатланиш эркинлигини бузган деб топган. Бу айбловга асос бўладиган етарлича далиллар борлиги келтирилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ҳиндистон БМТни ислоҳ қилишга чақирди
Трамп Эрон томонидан ўлим таҳдиди ҳақида огоҳлантирилди
Диетолог қандай қилиб нон истеъмол қилмасдан қисқа вақтда озиш мумкинлигини айтди
Яқин Шарқ катта уруш остонасидами?
Столтенберг: “Россия НАТОни қўрқитишга ҳаракат қилмоқда”
Зеленскийнинг АҚШга ташрифи: Трамп «Украина энди йўқлиги»ни айтди
Дунёдаги энг бахтли шаҳарлар рейтинги эълон қилинди
Ҳиндистонда 50 дан ортиқ дори-дармонлар сифатида муаммо аниқланди
