Тожикистондаги ЙТҲда уч нафар ўзбекистонлик ҳалок бўлди

^{Фото: Тожикистон Фавқулодда вазиятлар қўмитаси}
Тожикистонда Nexia-2 ва “КамАЗ” юк машинаси тўқнашиши оқибатида уч нафар ўзбекистонлик ҳалок бўлди. Бу ҳақда Тожикистон Фавқулодда вазиятлар қўмитаси хабар берди.

2 июль куни Хўжанд—Душанбе йўналишида ҳаракатланиб кетаётган автомобиль юк машинаси билан тўқнашиши оқибатида Nexia-2 ҳайдовчиси ва икки нафар йўловчи (икки эркак ва бир аёл) воқеа жойида ҳалок бўлган.

Ҳайдовчининг шахси аниқланган бўлиб, у Фарғона вилоятида яшовчи, 1964 йилда туғилган М.Б. бўлган. Қолган қурбонларнинг шахсини аниқлаш чоралари кўрилмоқда. «Замин»ни Telegram’да ўқинг!