Скриншот ABS news
АҚШ президентидан ABC News бошловчиси Жорж Стефанопулос интервю олган. Унда Байден ўзининг муваффақиятсиз чиқишини шамоллаш билан тушунтирган ва уни сайловдан чиқишга фақат «қодир худо» мажбур қила олишини айтган.
Интервю аввалида журналист дебатдан сўнг «миллионлаб америкаликларнинг хаёлида чарх ураётган» бўлиши эҳтимоли катта бўлган ва Байденнинг саломатлиги билан боғлиқ саволни берган: «Бу нима эди, ёмонроқ эпизодми ёки жиддийроқ касаллик аломатлари?».
Бунга жавобан амалдаги президент жуда толиққани ва кучли шамоллаш туфайли дам олиш кунлари тиклана олмаганини айтган.
«Бу омадсиз кеча эди, Трампнинг тўхтовсиз гапиришлари мени мувозанатдан чиқарди», деган Байден ва дебатга тайёргарлик учун барча масъулиятни ўз зиммасига олган.
Яна бир муддат мамлакатни бошқариш учун ақлий ва жисмоний қобилиятлари етарлими, деб берилган саволга жавобан Байден акс ҳолда номзодини илгари сурмаган бўлишини таъкидлаган. Унинг сўзларига кўра, у пойгада яна иштирок этаётганига сабаб «мамлакатни мутлақо янги босқичга олиб чиқишни ҳаммадан яхшироқ тушунаман», деб ҳисоблайди.
АҚШ етакчиси ўзини «Путинни тўхтатган» ва «НАТОни бир муштга бирлаштирган» «ўша йигит» деб ҳисоблайди. Байденнинг ўзи ҳар куни тўлиқ неврологик тест топиради, умуман, у ўзи амалга ошираётган ишларнинг барчасини тест деб ҳисоблайди. У махсус текширувдан ўтмаган ва ўтишни ҳам истамайди.
Етакчи демократлар Нэнси Пелоси, Чак Шуммер ва бошқалар унга пойгадан чиқишни сўраб мурожаат қилиши мумкинлиги тўғрисидаги «фаразий вазият»ни шарҳлар экан, Байден улар ҳеч қачон бундай қилишмаслигини таъкидлаган.
«Агар қодир худо осмондан тушиб, «Жо, сен пойгадан чиқишинг керак», деса, эҳтимол мен сайловни тарк этарман, лекин қодир худо тушмайди», — деб ҳазиллашган у.
2024 йилги сайловлар 2020 йилгисидан мураккаброқми дея берилган саволга Байден «йўқ» деб жавоб берган: «Қачонки сенга паталогик ёлғончи рақиб бўлиб турганда бунинг мураккаблик жойи йўқ». Журналист Байденнинг рейтинги 36 фоизга тушиб кетгани ва бунчалик паст рейтинг билан ҳеч ким қайта сайлана олмаганини эслатган. «Бу бизнинг сўровномалар кўрсатаётган рақамлар эмас», — деган Байден ва бундай сўровномаларнинг аниқлигига ишонмаслигини таъкидлаган.
Байден интервю давомида дебатдагидан кўра ишончлироқ чиқиш қилган, гарчи у такрорлар ва янглишишларга йўл қўйган бўлса-да. Бироқ ўз танқидчиларини сайловолди кампаниясига дош бериши ва яна тўрт йил президентлик муддатини ўта олишига узил-кесил ишонтира олмаган, деб ёзади Washington Post. Унинг сайловларга нисбатан «намойишкорона позицияси» эса демократларни янада ташвишлантириши мумкин, деб ёзади Bloomberg. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина ҳарбийлари Россия учун "кутилмаган хабар" билан портламайдиган миналар ўрнатди
Дунёдаги саёҳат қилиш учун энг арзон ва энг қиммат давлатлар
Байден Исроилнинг Эрон ядровий иншоотларига зарба беришини қўллаб-қувватламаслигини билдирди
Ҳусийлар Тель Авивнинг чекка ҳудудларига ҳужум қилди
Микротўлқинли печда овқат иситиш соғлиқ учун зарарлими?
Аргентина Малвин (Фолкленд) оролларини қайтариб олмоқчи
Селена Гомес ўзининг миллиардерлик мақомига муносабат билдирди
ҲАМАС Тель-Авивдаги теракт учун масъулиятни ўз зиммасига олди
