Трамп ўзига уюштирилган қотиллик ҳақида: “Мени ё омад қутқариб қолди ёки худо”

^{Фото: Getty Images}
АҚШ президентлигига номзод уни муқаррар ўлимдан фақат бахтли тасодиф қутқариб қолганини айтган. Бу ҳақда BBC нашри хабар берди.

Суиқасддан сўнг Дональд Трамп ўзига нисбатан уюштирилган қотиллик ҳақида муносабат билдирган. Бир қанча АҚШ нашрларига ҳам интервью берган.

Трамп суиқасддан фақат мўжиза туфайли омон қолганини билдирган. Акс ҳолда уни ўша ўқдан ҳеч бир восита сақлаб қола олмаслигини айтган.

“Энг ҳайратланарлиси, мен бошимни керакли пайтда бура олганим; ўз пайтида ўқ йўналишидан тескари томонга юз ўгирганим. Акс ҳолда ҳозир мен бу ерда бўлмаслигим аниқ эди”, деган АҚШ президентлигига номзод Трамп.

Собиқ президент унга ўқ узилганини англаб етганда ичидан ўтган фикрлари, саросимага тушган оломоннинг унга муносабати ҳақида сўзлаб берган.

“Ўша пайтда у ердаги одамлардан менга бир қувват келаётганини сездим. Улар шунчаки ўз жойларида туришган эди. Аммо бунда мен уларнинг қўллаб-қувватловини сездим. Бу туйғуни тасвирлаш қийин.

Юз берган ҳодисага фақатгина тарих ҳукм қилишини билардим. Инсонларга аҳволим яхши эканлигини айтишим кераклигини билардим. Қўлимни кўтардим ва ҳаммаси жойида эканини кўрсатдим”, деган Трамп Washington Examiner нашрига берган интервьюсида.

Висконсин штатининг Милуоки шаҳрида бўлиб ўтадиган Республикачилар миллий йиғилишига бориш учун тайёрланар экан, Трамп эндиликда унда мамлакатни бирлаштириш имконияти мавжуд эканлигини айтган. Юз берган суиқасд Трампнинг сайлов дастурига ва унинг келгусидаги режаларига ҳам таъсир этиши хабар қилинган. «Замин» янгиликларини «Вконтакти»да кузатиб боринг