Эксперт: “Қуёшдаги чақнашлар инсониятни тош даврига қайтариши мумкин”

^{Фото: депоситпҳотос}
Россия Фанлар академияси Коинот тадқиқотлари институтининг қуёш астрономияси лабораторияси раҳбари Сергей Богачев инсоният барча алоқаларни йўқотиши ва тош даврига тушиши учун қуёш чақнаши қанчалик кучли бўлиши кераклиги ҳақида маълумот берди.

Хабарга кўра, жорий ҳафтада бутун дунё бўйлаб радио, авиация ва сунъий йўлдош алоқаларининг 65% узилиш эҳтимоли мавжуд.

"Қуёш фаоллигини кузатишнинг бутун даври давомида инсоният ҳеч қачон Қуёшда одамлар ҳаётига жиддий таъсир кўрсатиши мумкин бўлган кучли ўзгаришларни кузатмаган", дейди эксперт.

У ҳозирда кузатилаётган қуёш фаоллиги, гарчи у маълум коммуникация турларининг носозлигига олиб келса-да, аянчли эмаслигини қўшимча қилган.

Мутахассисга кўра, аянчли қуёш фаоллигининг кўринмаслиги келгусида бу содир бўлмайди дегани эмас. У метеорит фаоллигини мисол тариқасида келтирган. Маълумки, метеоритлар ҳар куни Ер атмосферасига маълум миқдорда киради, аммо уларнинг деярли барчаси сайёрамиз юзасига етиб келмайди. Бироқ Тунгуска метеорити ҳамда Ер тарихида улкан метеоритларнинг қулаши туфайли содир бўлган бошқа глобал ҳалокатлар мавжуд.

Экспертнинг таъкидлашича, бундай ҳодисаларни кузатиш тарихига ва мос равишда тадқиқот натижаларига эга бўлмасдан туриб, қуёш радиациясининг алоқада жиддий узилишларга олиб келиши ва инсониятни цивилизация афзалликларидан маҳрум этиши учун қандай кучда бўлиши кераклигини аниқ айтишнинг иложи йўқ.

"Айтиш мумкин бўлган ягона нарса шундаки, Қуёш ҳозир фаолликнинг кучайиш босқичида, бу йил охиригача давом этади, эҳтимол, кейинги фаолликнинг бир қисмини қоплайди", дея хулоса қилган Богачев. “Замин” янгиликларини “Youtube”да кузатиб боринг