20:46 / 20.07.2024

Натали Портманга ажримдан кейин тушкунликдан халос бўлишида Рианна ёрдам берган

“Леон” ва “Вендетта инқилоби” фильмларининг юлдузи Натали Портман барбадослик хонанда Рианна билан учрашув унга катта ёрдам бергани ҳақида The Tonight Show Starring Jimmy Fallon дастурида сўзлаб берди.

^{Фото: Britannica}
Жорий йил март ойида актриса турмуш ўртоғи Бенжамен Милльпье билан ажримни бошидан кечирди. Ўтган йили оммавий ахборот воситалари Натали ва Бенжамин муносабатларидаги келишмовчиликлар ҳақида ёзганди. Бунинг сабаби Милльпье томонидан 25 ёшли атроф-муҳит фаоли Камилла Митьен билан хиёнати бўлди. Эр-хотин 11 йил бахтли ҳаёт кечирган эди.

^{Фото: Тhе Hollywood Reporter}
Аввалига актриса никоҳни сақлаб қолишга ҳаракат қилди ва турмуш ўртоғига яна бир имконият берди, лекин Натали унинг бир неча бор қилган хиёнатига дош бера олмади ва расман ажрашишга қарор қилди.

Портман ҳаётидаги қийин давр шу йилнинг январь ойида бўлиб ўтган Париж мода ҳафталигига тўғри келди. Тадбирда актриса хонанда Рианна билан кўришиб қолди. Машҳурлар Dior Hayte Cоuture мода кўргазмаси бошланишидан аввал бир неча дақиқа давомида суҳбат қургани кадрларда муҳрланиб қолди.

^{Фото: Тhе Express Tribune}

^{Фото: Тhе Express Tribune}
Унинг айтишича, бу тасодифий учрашув “ҳаётидаги оғир дамларда айнан керакли ҳодиса бўлган”.

Оилавий можаролардан сўнг, Натали узоқ вақт тушкунликда юрди, аммо Рианнанинг сўзлари актрисага далда берди ва депрессиядан чиқишига туртки бўлди.

“Рианна берган энергия қолган умрим учун бўлган ишончни кучайтирди. Айнан ўша пайтда Рианна менга керакли бўлган таскин ва қўлловчи сўзларни айтди. Менимча, ажрашаётган ҳар бир аёл унинг қанчалик ‘bad bitch’ эканлигини эшитиши лозим”, деди Натали Портман.