АҚШ: Эрон ядровий қурол яратишга ҳар қачонгидан ҳам яқинроқ

^{Фото: ТАСС}
Эрон ядро дастурини тезлаштирди ва ядровий қурол яратишга яқин, дея АҚШ давлат котиби Энтони Блинкен хавотир билдирди.

"Биз сўнгги ҳафталар ва ойларда Эрон ҳақиқатан ҳам ядровий қурол учун ёқилғи сифатида ишлатилиши мумкин бўлган парчаланувчи материалларни ишлаб чиқишда муваффақиятга эришаётганини кўрдик", дейди Блинкен.

Шунингдек, Блинкен АҚШ собиқ президенти Дональд Трамп маъмуриятини 2018 йилда Эрон ядровий келишувидан чиққанлиги учун айблаган. Унинг сўзларига кўра, Эрон ҳали ўз қуролини яратмаган, лекин улар парчаланувчи материаллар, портловчи қурилмаларни бирлаштиришини, шунингдек, мамлакат ядро қуролига эга эканини таъкидлаган.

"Қўшма Штатлар Эроннинг бомба устида ишлаётганига оид ҳар қандай аломатларни диққат билан кузатмоқда ҳамда Теҳронни жиловлаш учун дипломатик саъй-ҳаракатларни амалга оширмоқда", дейди Блинкен.

АҚШ Миллий хавфсизлик бўйича маслаҳатчи Жейк Салливанга кўра, Вашингтон, Эрон ва унинг иттифоқчилари томонидан апрель ойида Исроилга уюштирилган ҳужумлардан сўнг, Эрон расмийларининг бундай имконият ҳақида фикр юритувчи жамоатчилик шарҳлари сезиларли даражада ошганини айтган.

Салливан агар Эрон бу йўлдан ҳаракатланса, улар Қўшма Штатлар билан ҳақиқий муаммога дуч келишидан огоҳлантирган.

Эроннинг янги президенти Масъуд Пезешкиён Ғарбга мурожаат қилиб, Эронни “яккаланганликдан олиб чиқиш” ва мамлакатни халқаро санкциялардан халос этишга ҳаракат қилишини айтган. Хусусан, у Эрон ва жаҳон кучлари ўртасида 2015 йилда имзоланган ядровий келишувни қайта тиклаш тарафдори. “Замин” янгиликларини “Telegram”да кузатиб боринг