Россияга мигрантлар оқими сўнгги 10 йилдаги энг паст даражага тушиб кетди

^{Фото: Сергей Булкин/NEWS.ru}
2023 йилда Россияга мигрантлар оқими сўнгги ўн йилдаги энг паст даражага етди. Росстатнинг 22 июл, душанба куни эълон қилинган маълумотларига кўра, ўтган йили мамлакатга хориждан 560 минг киши келган. Бу 2022 йилга нисбатан 23 фоизга кам, ўша пайтдаги оқим 730 минг кишини ташкил қилган.

Ташриф буюрувчиларнинг энг катта қисми Тожикистондан (31 фоиз), иккинчи энг кўпи Қирғизистондан (10 фоиз) келганлар. Украина, Арманистон ва Қозоғистонга жами мигрантлар сонининг 9 фоизи, Ўзбекистонга 4 фоиз тўғри келади. Беларус, Хитой, Туркманистон, Ҳиндистон ва бошқа мамлакатлардан ҳам мигрантлар келган.

Мигрантлар орасида энг талабгир минтақалар Москва ва Тюмен вилоятлари, шунингдек, Ханти-Мансийск автоном округи - Югра: уларда миграция ўсиши 57 фоизни ташкил этди, бу 109 минг киши дегани. Приморск ўлкаси, Томск вилояти ва Украина билан чегарадош вилоятлар мигрантларни энг кам қабул қилган.

Мигрантларнинг фақат учдан бир қисми ишлаш мақсадида келган

Росстат маълумотларига кўра, 2023 йилда Россияга келганларнинг ярмидан кўпи (55 фоиз) эркаклар, 45 фоизи эса - аёллар. Уларнинг катта қисми (76 фоизи) меҳнатга лаёқатли ёшдагилар, аксарияти 20 ёшдан 24 ёшгача бўлган ёшлардир. Мигрантларнинг 11 фоизини кексалар, 13 фоизини 16 ёшгача бўлган болалар ташкил қилади.

Мигрантлар 2023 йилда ўз ҳаракатларини асосан «шахсий ва оилавий сабаблар», жумладан, оила қуриш, ота-оналар ёки болалар билан бирлашиш билан изоҳлаган. Чет элликларнинг атиги 28 фоизи меҳнат мақсадларига интилишини билдирган. “Замин” янгиликларини “Twitter”да кузатиб боринг