Қўшма Штатлар Исроил мудофаасини қўллаб-қувватлаш учун Яқин Шарққа авиаташувчи зарбалар гуруҳини, қўшимча крейсерлар ва эсминецларни юбормоқда. Бу ҳақда Пентагон матбуот котибининг баёнотида айтилади.
«АҚШ Мудофаа вазирлиги Эрон, унинг ҳамкорлари ва назорат остидаги кучлари томонидан минтақада зиддият кучайиши эҳтимолини камайтириш учун чоралар кўришда давом этмоқда», — дейилади баёнотда.
Хусусан, USS Abraham Lincoln авиаташувчиси USS Theodore Roosevelt гуруҳини алмаштириши режалаштирилган.
Пентагон раҳбари Ллойд Остин Яқин Шарққа қўшимча қирувчи самолётлар эскадронини юборишни ҳам буюрди. Самолётлар ҳаво кучлари орқали Исроил мудофаасини қўллаб-қувватлайди, дейилади баёнотда.
Департаментнинг аниқлик киритишича, Америка бўлинмалари аллақачон Ўрта ер денгизида жойлаштирилган.
Куни кеча The New York Times нашри ўз манбаларига таяниб, Қўшма Штатлар Яқин Шарққа қўшимча жанговар самолётлар юборишга тайёрланаётгани ҳақида хабар берганди. Газетанинг ёзишича, бунга Исроил ва Эрон ўртасидаги зиддиятнинг кучайиши сабаб бўлган. Washington Post Пентагон вакилига таяниб, минтақадаги вазиятнинг ёмонлашуви туфайли Қўшма Штатлар ўзининг 12 та кемасини Форс кўрфази ва Шарқий Ўрта ер денгизида жамлаганини ёзди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” Исроил шимолига ўнлаб ракеталар билан зарба берди
Британиялик журналист ўзбек спортчисининг мағлубиятидан норози бўлди
Холид Машал: ҲАМАС музокаралар олиб бормайди, ён босмайди ва Исроилни тан олмайди
Эрдўған: 2024 йилги Олимпиада очилиш маросими ғазабга сабаб бўлди
К витамини нима учун керак ва уни қайси маҳсулотлардан олиш мумкин?
Париж—2024. Ўзбекистонлик боксчиларнинг чорак финалдаги рақиблари билан танишинг
ҲАМАС етакчисининг ўғли: Ҳания қони Ғазодаги болалар қонидан устунроқ эмас
ҲАМАС етакчиси Исмоил Ҳанияни ўлдиришдан кўзланган мақсад очиқланди
