Исроил Ғазо секторидаги мактабга зарба бериши оқибатида 100 дан ортиқ инсон ҳалок бўлди

^{Фото: AFP}
Исроил армияси Ғазо секторидаги Ал-Табаин мактабига зарба берганини маълум қилди.

Яҳудий армияси буни бинода Фаластиннинг ҲАМАС ҳаракатининг қўмондонлик маркази жойлашгани билан изоҳлади. Зарба оқибатида юзлаб одамлар қурбон бўлгани хабар қилинмоқда.

Исроил армиясига кўра, ҲАМАС қўмондонлик маркази Исроил ҳарбийларига қарши ҳужумлар режалаштирилган.

“Зарбадан олдин тинч аҳолига зарар етказиш хавфини камайтириш бўйича кўплаб чоралар кўрилди, жумладан, ҳаво кузатуви ва разведка маълумотларидан фойдаланилди”, дейилади Исроил армияси Telegram’даги постда.

Фаластиннинг WAFA агентлиги ва бошқа бир қанча оммавий ахборот воситаларининг маълумотларига кўра, камида 100 киши ҳалок бўлган, ўнлаб одамлар яраланган. AFP хабарига кўра, қутқарувчилар ҳалок бўлганларнинг жасадларини олиб чиқиш ва ярадорларни қутқариш мақсадида ёнғинни ўчиришга уринмоқда. “Замин” янгиликларини “Telegram”да кузатиб боринг