Хонанда Адель унаштирилганини эълон қилди: “Мен турмушга чиқяпман”

Someone Like You қўшиғи ижрочиси, британиялик хонанда Адель турмушга чиқаётганини эълон қилди. Бу ҳақда The voice magazine хабар бермоқда.

^{Фото: Vulture}
Хонанда ўзидан олти ёш катта Рич Пол исмли спорт агенти билан муносабатларини яширмас эди. У бир неча бор Рични турмуш ўртоғим деб атагани учун юлдузнинг кўплаб мухлислари улар аллақачон турмуш қурганига ишончи комил эди. Бироқ куни кеча жуфтлик яқинда бўлиб ўтадиган тўйга тайёргарлик кўраётгани маълум бўлди.

^{Фото: Billboard}
Адель Мюнхенда бўлиб ўтаётган концерт дастурида ҳаётида улкан ўзгариш кутилаётгани ҳақида маълум қилди. Хонанданинг мухлисларидан бири унга турмуш қуриш таклифи ёзилган плакат ушлаб турган эди. Адель дарҳол ушбу ёзувга эътибор қаратди ва ашаддий мухлисининг таклифига рад жавобини айтишга мажбур бўлди:

“Мен бундай қила олмайман, чунки аллақачон турмушга чиқяпман”, дея тан олди Адель ва саксон минг киши тўпланган стадионда ўзининг унаштирув узугини намойиш қилди.

“I can’t marry you because I’m already getting married” ADELE FUCKING ADKINS!!!!!!!! pic.twitter.com/x3cAnt9RVF

— Tin??| saw adele 6/16/23 (@DiaryofDelly) August 9, 2024

Адель ва Рич Пол уч йилдан бери таниш бўлиб, жуфтлик июль ойида Лондонда унаштирилганини эълон қилишган эди.

<sup>Фото: Vulture

Фото: New York Post</sup> “Замин” янгиликларини “Telegram”да кузатиб боринг