![ҲАМАС янги раҳбари Яҳё Синвар Исроил билан сулҳ тузмоқчи](/uploads/posts/2024-08/x6df29224b2_sv41ogsm8cdpqqajk5d4wyywrz_1plu3.webp.pagespeed.ic.hp1ISBXrie.webp)
Фото: Reuters
ҲАМАС ҳаракати Сиёсий бюросининг аввалги раҳбари Исмоил Ҳания ўлдирилганидан сўнг, унинг ўрнига сайланган Яҳё Синвар Миср ва Қатар воситачилари орқали Исроилга сулҳни хоҳлаётгани ҳақидаги хабарни етказди. Бу ҳақда CNN ёзди.
Телеканалнинг Исроилдаги икки манбасига кўра, бош вазир Бинямин Нетаняҳу ўзининг ҳукмрон коалицияси учун қандай оқибатларга олиб келишидан қатъи назар, келишувга тайёр. Аммо Исроил хавфсизлик хизмати вакиллари коалициядаги баъзи ўта ўнг вазирларнинг қаршиликларини ҳисобга олиб, Нетаняҳу розилигига шубҳа билан қарамоқда.
Молия вазири Бецалел Смотрич келишувга қарши чиққанлардан бири бўлиб, уни «таслим бўлиш» деб атаган. Миллий хавфсизлик вазири Итамар Бен-Гвир ҳам эътироз билдирган.
CNN манбаларидан бири Нетаняҳу нима истаётганини «ҳеч ким билмаслигини» айтди. Шу билан бирга, АҚШ расмийлари Исроил раҳбариятига минтақавий урушнинг олдини олиш учун ўт очишни тўхтатиш тўғрисида келишувга эришишни кутаётганини «аниқ етказди», деди CNN манбаси.
ҲАМАС Сиёсий бюроси раҳбари Исмоил Ҳания 31 июлга ўтар кечаси Теҳрондаги меҳмонхонада бомба портлаши оқибатида ҳалок бўлди. Исроил ҳукумати Ҳания ўлими учун расман жавобгарликни ўз зиммасига олмаган.
Ҳания ўлимидан сўнг Эрон Исроил «барча қизил чизиқлар»ни кесиб ўтганини айтди ва «тезкор ва кескин» жавоб қайтаришга ваъда берди.
Шу билан бирга, АҚШ, Миср ва Қатар қўшма баёнотда ҲАМАС ва Исроилни зудлик билан ўт очишни тўхтатиш ва гаровга олинган исроилликларни озод қилиш бўйича келишув тузишга чақирди. Воситачиларнинг айтишича, томонлар 15 август куни музокара олиб боришини кутишмоқда. Исроил учрашувга рози бўлди, бироқ ҲАМАС ҳозирча жавоб бермади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Париж-2024. Акбар Жўраев кумуш медални қўлга киритди расм](/uploads/posts/2024-08/x886631f70e_b0672e585c6f6e058994de4706e792d6.webp.pagespeed.ic.yx3hRxeNh9.webp)
Париж-2024. Акбар Жўраев кумуш медални қўлга киритди
![Россия Курск областига ҳужумни тўхтатишнинг уддасидан чиққан бўлиши мумкин расм](/uploads/posts/2024-08/xb5cebbc753_r-xx6c_v7h-toizcppbtq45nhwd7prrd.webp.pagespeed.ic.SGXTai1pO2.webp)
Россия Курск областига ҳужумни тўхтатишнинг уддасидан чиққан бўлиши мумкин
![Ғарбда Курск вилоятидаги вазият ҳақида баёнот берилди расм](/uploads/posts/2024-08/xabd3001939_44987670_0032061804_1280x0_80_0_0_3a4debf79926cb750d69a86b4aededf1_jpg.webp.pagespeed.ic.WgVQM8J9jJ.webp)
Ғарбда Курск вилоятидаги вазият ҳақида баёнот берилди
![Эрон яқин муддатда Россияга юзлаб баллистик ракеталар етказиб бериши мумкин расм](/uploads/posts/2024-08/x47649d0d39_reuters1-w1asu30n.webp.pagespeed.ic.45Nw2vgfT8.webp)
Эрон яқин муддатда Россияга юзлаб баллистик ракеталар етказиб бериши мумкин
![Ҳамас Исроил вазирининг Ғазодаги очарчиликни оқлаганига муносабат билдирди расм](/uploads/posts/2024-08/x3dc7135c32_p1jgra7jqb31we5pqtirx6oxoddghxhl.webp.pagespeed.ic.bU0q6AOlrF.webp)
Ҳамас Исроил вазирининг Ғазодаги очарчиликни оқлаганига муносабат билдирди
![Вазн ташлашда гўзалликни қандай сақлаб қолиш мумкин? расм](/uploads/posts/2024-08/xf565c7b012_66b9a0a00c605.webp.pagespeed.ic.3bpFuFLRUB.webp)
Вазн ташлашда гўзалликни қандай сақлаб қолиш мумкин?
![Трамп: АҚШ Россия ва Хитойнинг ҳурматини йўқотди расм](/uploads/posts/2024-08/x96b1071df3_36435294_0030711728_1280x0_80_0_0_e931a25ca8c688297b06b80375075a92_jpg.webp.pagespeed.ic.yqSgwyMV1q.webp)
Трамп: АҚШ Россия ва Хитойнинг ҳурматини йўқотди
![Шавкат Мирзиёев Марказий Осиё давлатлари раҳбарларининг Фахрий нишони билан тақдирланди расм](/uploads/posts/2024-08/xe984da4cc8_gtmgskkbrmnea2gklaa-9cul8r0o8rft.webp.pagespeed.ic.78Epx17kdy.webp)
Шавкат Мирзиёев Марказий Осиё давлатлари раҳбарларининг Фахрий нишони билан тақдирланди