Фото: Anadolu Agency
Деярли 450 минг фаластинлик Ғазо секторининг аввалроқ Исроил ҳарбийлари «хавфсиз зона» деб эълон қилинган ҳудудларини тарк этишга мажбур. Бу ҳақда Фуқаролик мудофааси бошқармасининг Ғазо секторидаги вакили Маҳмуд Басал маълум қилди.
Унга кўра, Исроил Хон-Юнус шаҳрининг шарқий ва марказий қисмлари аҳолисини, шунингдек, Дайр ал-Балоҳ шаҳри, Ал-Мағози ва Аз-Зувайда туманларида бошпана топган фаластинликларни эвакуация қилишни режалаштирмоқда.
«Бу гуманитар вазиятни янада ёмонлаштиради», - дея огоҳлантирди у.
Маҳмуд Басал «зўравонлик ва очарчилик билан қўрқитиш» орқали мажбуран кўчириш халқаро ҳуқуққа зид эканлигини эслатди.
Унинг таъкидлашича, исроиллик ҳарбийлар Хон-Юнус ва марказий Ғазо минтақасидаги қочқинлар лагерларида яшовчи фаластинликларни бир неча бор кўчирди.
Басал БМТ ва Халқаро судни «Исроилга Ғазо секторидаги фаластинликларни кўчириш сиёсатини тўхтатиш учун босим ўтказишга» чақирди.
Бир кун аввал Исроил армияси матбуот котиби Авичай Адраи Мегази тумани бир неча қисмларини, шунингдек, Ғазо секторининг марказий қисмидаги Фарук ва Амал ҳудудларини эвакуация қилишга чақирди.
Ғазо сектори аҳолисининг 90 фоизи Исроил армиясининг ҳужумлари туфайли уйларини тарк этишга мажбур бўлди. Кўплаб фаластинликлар вақтинчалик чодирларда яшашга мажбур. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия Исроилни Голан тепаликлари борасида огоҳлантирди
Дональд Трамп: “Президент Эрдўғон жуда ақлли, Асад эса шафқатсиз қассоб”
Туркия Суриянинг янги ҳукуматини ҳарбий соҳада қўллаб-қувватламоқчи
Туркия Сурия чегарасида қўшин тўпламоқда
Сурия исёнчилари етакчиси мурожаат билан чиқди
Трамп Зеленскийни уруш тугашига тайёрланишга чақирди
Хитой ва Ҳиндистон Ҳимолайдаги ярим асрлик ҳудудий низони ҳал қилмоқчи
Украина F-16 ва ҲҲМни кузатиб борган Россия агентларини фош қилди
