Германия афғонларни депорт қилишдан олдин уларни пул билан таъминламоқчи

^{Фото: AP}
Германия ҳукуматининг афғон фуқароларини ўз ватанига депортация қилиш режалари тобора аниқ бўлиб бормоқда.

Bild нашрига кўра, Афғонистон фуқароларининг юртига қайтарилишига молиявий ёрдам кўрсатиш бўйича федерал ва штат ҳукуматлари ўртасида музокаралар олиб борилмоқда. Биринчи навбатда, жиноятчилар ва “хавфли шахслар” ни депорт қилиш режалаштирилмоқда, аммо улар ҳам тўловларга умид қилишлари мумкин.

Биз доимий равишда Афғонистонга депорт қилиш учун оператив ва ҳуқуқий шароит яратиш имкониятларини ўрганиб чиқамиз. “Саёҳат учун молиявий ёрдам” тўлови ҳам ана шундай шарт-шароитларни яратишга хизмат қилиши мумкин, дея маълум қилган Германия Ички ишлар вазирлиги.

Вазирликка кўра, нафақа тўлаш ёки тўламаслик масаласи федерал штатларда ҳал қилинади, шунингдек, улар нафақа миқдорини ҳам ҳал қилишлари керак.

Афғонистонликлар доимий равишда Германиядан бошпана сўраб мурожаат қилади. 2023 йилда 51 275 нафар афғон Германиядан бошпана сўраб мурожаат йўллаган, бу 2022 йилга нисбатан 41 фоизга кўпдир. Ўтган йили бошпана сўраш бўйича дастлабки аризаларнинг тахминан 15 фоизи афғонлардан келган.

2021 йил ёзида Афғонистонда “Толибон” ҳокимият тепасига келганидан бери Германиядан мамлакатга депортациялар амалга оширилмаган. Яқинда Германия ҳукумати ушбу амалиётни қайтариш зарурлигини эълон қилган.

Афғонистон фуқаролари аввалроқ Германия судларига ватанига қайтган тақдирда ўта қашшоқликка дучор бўлишлари ҳақида шикоят қилган эди. Германия ҳукуматининг фикрича, молиявий ёрдам ўз ватанига қайтган қочқинларга дастлабки вақтларда озиқ-овқат ва уй-жой учун ҳақ тўлаш имконини беради. “Замин” янгиликларини “Telegram”да кузатиб боринг