![Москва метросида урушга ёллаш пунктлари очилди](/uploads/posts/2024-09/xc7531862e7_zag4agnsez4ovu9goampcrtnq2gt3gqv.webp.pagespeed.ic.zvA2GztEwf.webp)
Фото: Sota
Sota пабликининг хабарига кўра, шундай шартнома асосида жанг қилувчилар учун ёлланиш пунктларининг бири Москва метрополитенининг “Славянский булвар” бекатида, активист Паулина Сафроновнинг ёзишича, бошқа бир пункт “Ховрино” метро бекатида очилган.
Август ойи бошида Москва шаҳри мэри Сергей Собянин шу йилнинг охиригача Украинадаги урушга 23 минг одам жўнатиши ва пойтахт Россия ҳудудлари ичида шартнома асосида жанг қилувчилар сони бўйича етакчига айланишини таъкидлаган эди.
Июл ойининг охирларида Собянин Мудофаа вазирлиги билан шартнома имзолаганлик учун бир марталик тўлов миқдорини 1,9 млн рублгача кўтариш тўғрисида фармойиш имзолаган эди. Бу сумма токи Санкт-Петербургда 2,1 млн рублдан тўлов бошлангунга қадар Россия ҳудудлари ичида рекорд сумма бўлиб турди.
Тўлов миқдорининг оширилишига сабаб урушга боришни истовчилар сони қисқаргани билан боғлиқ, деган “Вёрстка” нашрига Москва мэрлигидаги манба. Шартнома асосида хизматга танлаб олиш ягона пункти маълумотларига кўра, 2023 йилнинг ёнидан, 2024 йилнинг август ойи бошларигача РФ Мудофаа вазирлиги билан шартнома имзолашга қизиқиш сўниб борган. Масалан, 2023 йилнинг августида Москва шаҳрида урушда иштирок этишга истак билдирганлар сони 3 мингдан ошган бўлса, 2024 йилнинг июнига келиб бундайлар сони минг киши атрофида бўлган.
Тўловларнинг 1 августдан бошлаб оширилиши танловда ўзининг ижобий таъсирини ўтказган — урушиш истагида бўлганлар сони бирданига уч баробарга ошган. Шартнома имзолаётганларнинг 90 фоизида молиявий муаммолар бор, деган “Вёрстка” ҳамсуҳбати. Москва фронтга етказиб бераётган шартномачиларнинг 70 фоизи Россиянинг бошқа ҳудудларидан пойтахтга келганлар. Москваликлар ва Москва областидан бўлганлар танлаб олиш пунктлари орқали янги шартнома имзолаганларнинг 20 фоизини ҳам ташкил этмайди.
Шунингдек, шартнома имзолаётганларнинг 10 фоизи чет давлат фуқароларидир. “Бу ерда хитойликлар, серблар, бразилияликлар, мисрликларни ҳам учратиш мумкин, лекин энг кўпи Ўзбекистон ва Тожикистон фуқароларидир”, — деган “Вёрстка” манбаси.
Москвада шартнома имзолаш истагини билдирганларнинг барчаси “Мослифт”, “Мосгаз”, “Мосводоканал”, “Мосметро”, Москва автомобил йўллари каби бюджет ташкилотларининг ходимлари сифатида урушга жўнатилмоқда. Чунки барча бюджет ташкилотлари зиммасига шартнома асосида ходимларини урушга жўнатиш учун квота ўрнатилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Путиннинг Украина бўйича баёнотидан сўнг АҚШда хавотир билдирилди расм](/uploads/posts/2024-09/xed81376cee_44286666_0033241870_1920x0_80_0_0_545e83905ac2cb182cd75c3aefebf25b_jpg.webp.pagespeed.ic.CnfSd-Ob3U.webp)
Путиннинг Украина бўйича баёнотидан сўнг АҚШда хавотир билдирилди
![Мбаппе “Реал” истагига қарши борди расм](/uploads/posts/2024-08/x1214a27714_c6cfb49f8f468823863f79f44d9fb6a9.webp.pagespeed.ic.w1TeqrOeyv.webp)
Мбаппе “Реал” истагига қарши борди
![Исроилда умумий иш ташлаш эълон қилинди расм](/uploads/posts/2024-09/x4bc8062d35_2gsfdtiou3dsk16vy1vedxjxgvoapq4u.webp.pagespeed.ic.4byqY0SdIL.webp)
Исроилда умумий иш ташлаш эълон қилинди
![Дуда 1939 йилги ҳужум учун Германиядан товон пули талаб қилмоқда расм](/uploads/posts/2024-09/x72bb297b85_jjul-sr5ac2ipgy-9g-gjs-mix4twy2c.webp.pagespeed.ic.I9w6XlY4_B.webp)
Дуда 1939 йилги ҳужум учун Германиядан товон пули талаб қилмоқда
![Россия ядровий доктринасини ўзгартиради расм](/uploads/posts/2024-09/x81a16f9a34_photo_2024-09-01_21-45-08-abmwnmsf.webp.pagespeed.ic.x03F69OBeJ.webp)
Россия ядровий доктринасини ўзгартиради
![Америкалик миллиардер Илон Маск: “АҚШ иқтисоди хавф остида” расм](/uploads/posts/2024-08/x11bceb6f75_photo_2024-08-30_18-42-27-ugqrw6wi.webp.pagespeed.ic.xykbcpJc-Q.webp)
Америкалик миллиардер Илон Маск: “АҚШ иқтисоди хавф остида”
![Bloomberg: “Монголияга ташрифи чоғида Путинга дахлсизлик кафолатланган” расм](/uploads/posts/2024-08/x6ffdc6a1ec_photo_2024-08-30_20-08-13-qsr_xel4.webp.pagespeed.ic.Tvb1_zwbDp.webp)
Bloomberg: “Монголияга ташрифи чоғида Путинга дахлсизлик кафолатланган”
![Исроил мухолифати умумий иш ташлашга чақирди расм](/uploads/posts/2024-09/x7331a944e8_avcw4gruzjmki52em4vgxy4agsw-ac5.webp.pagespeed.ic.YmcJ_iuGDU.webp)
Исроил мухолифати умумий иш ташлашга чақирди