Криштиану Роналду Mister Beast’ни ортда қолдириш ниятида

Криштиану Роналду интервью давомида YouTube’даги обуначилар сони бўйича блогер Mister Beast’ни ортда қолдирмоқчи эканини айтди.

“Мен Mister Beast’ни мағлуб этишим керак”, деди “Ан-Насср” ва Португалия терма жамоаси ҳужумчиси.

Маълумот учун, айни дамда Роналдунинг каналига 56 миллиондан зиёд киши обуна бўлган. Бу Mister Beast’дан (313,5 миллион) 257 миллионга кам.

Криштиану Роналду YouTube’даги каналини 21 август куни очган. Дастлабки 24 соат ичида португалиялик форварднинг YouTube каналига 19 729 827 киши обуна бўлди. Айнан шу натижа сабаб, футболчи Гиннес рекордлари китобига киритилди.

Аввалроқ футболчи ўзининг каналидаги подкастлардан бирида Саудияга кўчиб ўтиш қийин бўлмагани, чунки ҳаёти доимий қийинчиликлардан иборат экани ҳақида гапириб ўтганди.

Янгиликлар