Фото: Getty Images
Ню-Йорк шаҳри мэри Эрик Адамс 2021 йилги сайлов кампанияси учун хорижий мамлакатлардан маблағ олганликда гумонланиб, федерал терговчилар диққатини тортди. 2023 йил ноябр ойида мэр алоҳида федерал текширув доирасида телефонларини топширганди. Ушбу текширув унинг 2021 йилги сайлов кампанияси Туркия фуқаролари ва давлат амалдорларидан ноқонуний хайр-эҳсонлар олган-олмаганлигини аниқлашга қаратилган.
Eyewitness News нашри тасдиқлашича, текширув Адамснинг нафақат Туркия, балки Исроил, Қатар, Хитой, Жанубий Корея ва Ўзбекистон билан алоқаларини ҳам қамраб олган. Ўзбекистон — Адамс ташриф буюрмаган ягона мамлакат сифатида мазкур олтита давлат орасида алоҳида ўрин тутади.
Терговчилар 2021 йилги сайловлар олдидан Адамснинг сайловолди штаби чет элдан ноқонуний хайрия маблағларини олиш мақсадида Туркия ҳукумати билан тил бириктирган ёки йўқлигини аниқлашга ҳаракат қилмоқда. Бундан ташқари, мэрнинг хавфсизлик муаммоларига қарамай, баланд биноли янги турк консулхонаси қурилишини маъқуллаш учун ўт ўчириш хизматига тазйиқ ўтказгани ҳақидаги гумонлар ҳам ўрганилмоқда.
Ҳозирда прокурорлар яна бешта давлат — Исроил, Хитой, Қатар, Жанубий Корея ва Ўзбекистон билан ўзаро ҳамкорликка оид қўшимча маълумотларни қидирмоқда.
Ҳар қандай ҳуқуқбузарликни инкор этаётган мэр Адамс Бронксдаги жамоатчилик билан учрашувда унинг маъмурияти бор эътиборини шаҳарга хизмат кўрсатишга қаратганини айтди.
“Ню-Йорк шаҳрининг ўз ишига фидойи бўлган бу жамоаси шаҳар тарихидаги энг хилма-хил маъмуриятлардан бири ҳисобланади. Улар барчамизга яхши маълум вазифани бажариш йўлида бизни олдинга етаклашда давом этмоқда”, — деди Адамс.
Хабарга қўшимча қилинишича, мэр Адамс маъмуриятининг яна бир юқори мартабали амалдори истеъфога чиқяпти. Ню-Йорк шаҳар соғлиқни сақлаш бўйича комиссари, доктор Эшвин Васан душанба куни истеъфога ариза берди ва йил охиригача ўз лавозимини тарк этади.
У Адамс маъмуриятига нисбатан давом этаётган федерал тергов туфайли эмас, балки шахсий сабабларга кўра лавозимини тарк этаётганини айтган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
22 ноябрь куни Cobalt автомобилига шартнома очилиши эълон қилинди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Италия суди Қуддус Исроил пойтахти эмаслиги ҳақида қарор чиқарди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
