Фото: Россия ФВВ
27 сентябр, жума куни Маҳачқалъа чеккасида жойлашган Новий Хушет поселкасидаги ёнилғи қуйиш шохобчасида портлаш содир бўлди, натижада 10 киши ҳалок бўлди, 11 киши жароҳатланди, деб хабар бермоқда «Интерфакс» агентлиги Россия Фавқулодда вазиятлар вазирлигига таяниб. Россия Федерацияси соғлиқни сақлаш вазирининг ёрдамчиси Алексей Кузнецовнинг маълум қилишича, саккиз нафар жабрланувчи касалхонага ётқизилган, улардан бирининг аҳволи оғир.
Соат 20.00 га келиб ёнғин 500 квадрат метр майдонни қамраб олди. SHOT Telegram-каналининг ёзишича, портлаш эпицентрига яқин жойда жойлашган ёнилғи қуйиш шохобчаси ошхонасидан 14 киши қутқариб олинган. Нашрнинг хабар беришича, ошхона яқинидаги девор қулаган, қутқарувчилар вайроналарни тозалаш билан шуғулланяпти.
Воқеа юзасидан «хавфсизлик талабларига жавоб бермайдиган ва икки ёки ундан ортиқ кишининг ўлимига сабаб бўлган хизматлар кўрсатиш» моддаси бўйича жиноят иши қўзғатилган. Бундай жиноят учун максимал жазо — етти йил қамоқ. SHOT нашрининг ёзишича, портлаш бензин ёниши натижасида содир бўлган. Бошқа манбаларда бу маълумот тасдиқланмаган.
Доғистонда 28 сентябр портлаш қурбонлари хотирасига мотам куни деб эълон қилинди, деб хабар берди республика раҳбари матбуот хизмати. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Халқаро жиноят судининг ордери Исроилни нега қўрқитяпти?
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
2026 йилда бўлажак мундиалнинг фаворитлари рейтинги тақдим этилди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Италия суди Қуддус Исроил пойтахти эмаслиги ҳақида қарор чиқарди
22 ноябрь куни Cobalt автомобилига шартнома очилиши эълон қилинди
