Фото: ТИВ
Иорданиянинг Ammon News газетасида "Ўзбекистон ТИВ раҳбари: Марказий Осиё давлатлари иқлим ўзгаришига қарши курашда ҳамжиҳат" сарлавҳали мақола эълон қилинди.
Нашрда Ўзбекистон ташқи ишлар вазири Бахтиёр Саидов БМТ Бош Ассамблеясининг 79-сессиясида нутқ сўзлагани маълум қилинган.
"Марказий Осиёда ҳаво ҳарорати ўртача жаҳон даражасидан тезроқ кўтарилмоқда. Бу озиқ-овқат ва энергия хавфсизлиги учун жиддий хавф туғдиради. Бу ҳақда Ўзбекистон ташқи ишлар вазири БМТ Бош Ассамблеясининг 79-сессиясида сўзлаган нутқида айтиб ўтди", – дейилади мақолада.
Ўзбекистон вазири айтишича, иқлим ўзгариши оқибатида сўнгги бир неча ўн йилликда Марказий Осиёда аҳоли жон бошига сув таъминоти даражаси икки баробарга камайди.
Орол денгизи ҳалокати минтақадаги барча давлатларнинг экотизимларига ўта салбий таъсир кўрсатишда давом этмоқда. "Биз халқаро донор ҳамжамиятни Оролбўйида ушбу офатнинг ҳалокатли оқибатларини юмшатишга қаратилган лойиҳаларни кенгайтиришга чақирамиз", - дея Ўзбекистон ТИВ раҳбари фикрларидан иқтибос келтирган манба.
Материалда БМТ томонидан Орол денгизи минтақаси экологик инновациялар ва технологиялар зонаси деб эълон қилингани таъкидланган.
"Шунингдек, маърузада Ўзбекистоннинг илғор тажрибаси шу каби муаммоларга дуч келаётган бошқа мамлакатларга ҳам фойда келтириши мумкинлиги қайд этилди", – деб ёзилган Ammon News газетаси тарқатган мақолада. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Диний қўмита Умра зиёратини ташкил қилиш учун 12 та турфирмага лицензия берди
Зеленский Путин борасида баёнот берди: “Тинчликни истаганлар юзига тупурмоқда”
Шавкат Мирзиёев Россия бош прокурори билан учрашув ўтказди
Путин Украинадаги объектга баллистик ракета зарбаси берилганини эълон қилди
