Фото: Plenty
Plenty Richmond фермаси АҚШнинг Ричмонд шаҳрида жойлашган. Унинг асосчилари бу фермани “ёпиқ биноларда вертикал деҳқончилик усули орқали катта миқёсда резавор мевалар етиштирадиган дунёдаги биринчи ферма” деб таърифлашмоқда. New Atlas нашри хабар беришича, бу лойиҳа халқаро олимлар гуруҳи томонидан қўллаб-қувватланмоқда.
Фермада тахминан 1,8 миллион килограмм қулупнай етиштириш мумкин. Бунда, мевалар ётиқ эмас, балки тик шаклда ўстирилади — улар 30 метр баландликдаги минораларнинг ичига жойлаштирилган. Ферма қулупнайларни Driscoll’s компанияси учун етиштирмоқда. Бу маҳсулот 2025 йилнинг бошларида озиқ-овқат дўконлари пештахталарида пайдо бўлади.
Илгари тижорат мақсадидаги вертикал деҳқончилик асосан салат учун ўсимликлар етиштириш билангина чекланарди. Plenty Richmond компаниясининг янги технологик ютуқлари туфайли вертикал усулда ўстириш мумкин бўлган экинлар доираси кенгайди.
Қулупнай ҳарорат, ёруғлик ва намлик назорати остидаги 12 та хонага жойлаштирилган. Чангланиш жараёни асаларилар билан чангланишга нисбатан самаралироқ бўлиши учун махсус лойиҳалаштирилган. Компаниядагиларнинг фикрича, бундай ечим меваларнинг бир хил ўлчамда бўлиши эҳтимолини оширади ва чиқиндиларни камайтиради.
Биринчи вертикал ферманинг очилиши вертикал деҳқончиликнинг афзалликлари бўйича кўп йиллик илмий тадқиқотлар чўққиси бўлди. Унда Квинсленд университети, Маккуори университети, Вагенинген университети, Флорида университети, Баск давлати университети, CAS ўсимликлар бўйича молекуляр фанлар илғор тажриба маркази, Шанхай ўсимликлар физиологияси ва экологияси институти олимларидан иборат халқаро жамоа иштирок этди.
Ричмонддаги фермада анъанавий деҳқончиликка қараганда 97 фоиз камроқ ер ва 90 фоизгача камроқ сув ишлатилади. Пестицидлардан фойдаланиш истисно қилинган, бошқариладиган муҳит ва қисқароқ таъминот занжири эса қишлоқ хўжалиги экинларини патогенлар билан зарарлаш хавфини камайтиради. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шимолий Корея «янги давр» бошланганини эълон қилди
Эрон олий раҳбари Исроил бўйлаб ракета зарбасини қандай изоҳлади?
Ҳарвард талабалари смарт кўзойнак ёрдамида бегоналарнинг шахсини аниқлашга муваффақ бўлди
КХДР Украинадаги уруш учун Россияга снарядлар етказиб бермоқда
Қаҳва мияда «бахт гармони»ни ишлаб чиқариши ва юракка фойдали эканлиги айтилди
Трамп 2017 йилда Путиндан Украина бўйича маслаҳат сўраган экан...
Рамзан Қодиров уруш эҳтиёжлари учун Россияга 100 та “Жиҳод машинаси”ни берди
Кузда иммунитетни яхшилаш учун нималар истеъмол қилиш керак?