Россия ҳарбийлари Курск вилоятида Украина аввал эгаллаган ҳудуднинг ярмига яқини устидан назоратни тиклади. Бу ҳақда Россия Мудофаа вазирлиги ҳарбий-сиёсий бош бошқармаси бошлиғи ўринбосари, Чеченистоннинг «Ахмат» махсус кучлари қўмондони Апти Алаудинов Курск давлат телерадиокомпаниясига маълум қилди.
«Икки ой олдин бу ерга келганимда, биз душманни йўқ қиламиз, тўхтатамиз, дедим - бугун биз душман томонидан босиб олинган ҳудуднинг тахминан ярми аллақачон озод қилинганини қайд этмоқдамиз», деди генерал-майор.
Шу билан бирга, Украина Қуролли Кучлари «жуда катта миқдорда аскар йўқотди», дея қўшимча қилди Алаудинов.
Сентябр ойи бошида Алаудинов Курск вилоятидаги жангларни Украинадаги ҳарбий операциянинг бориши учун ҳал қилувчи деб атади. «Ўйлайманки, бу ҳал қилувчи жанг Шимолий ҳарбий округ тарихини якунлайди», деди у.
Эслатиб ўтамиз, Украина қуролли кучлари 6 август куни Курск вилоятига бостириб кирди. Украина президенти Владимир Зеленскийга кўра, мақсад рус армиясини Донбассдаги ҳарбий ҳаракатлардан чалғитиш бўлган. Қисқа вақт ичида украиналиклар минг квадрат километрдан ошиқ ҳудудни эгаллади.
Сентябр ойи бошида рус қўшинлари минтақада юриш бошлади.
Россия, Курск, Босиб олинган ҳудуд, Ярми озод этилган, Иддао қилмоқда “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Путин Думага КХДР билан ҳарбий ҳамкорлик тўғрисидаги қонун лойиҳасини киритди
«Ҳизбуллоҳ» Исроилга 320 та ракета ва снарядлар учирди
Тадқиқот: қаҳва инсулт хавфини оширади, чой эса камайтиради
DeepState: РФ ҳарбийлари асирга олинган 9 украиналикни отиб ташлади
Ҳиндистон Россияга тақиқланган технологияларни етказиб бераётгани маълум қилинди
Шифокор саратон хавфини келтириб чиқарадиган нонуштадан огоҳлантирди
Хитой Тайван яқинида янги ҳарбий машқларни бошлади
Садир Жапаров: “Ғарб Россия билан ҳамкорлик мавзусида кўрсатма бермаслиги керак”
