Reddit ижтимоий тармоғи 20 йил ичида биринчи марта фойда кўрди

^{Фото: Shutterstock}
Американинг Reddit ижтимоий тармоғи 20 йил ичида биринчи марта фойда кўрганини эълон қилди, деб хабар беради The Verge.

Компания учинчи чорак ҳисоботида 29,9 миллион доллар фойда ва 384,4 миллион доллар даромад кўрганини маълум қилди — бу 2023 йил билан таққослаганда 68 фоизга кўп.

Биринчи фойданинг келишига ижтимоий тармоқ аудиториясининг кескин ошгани сабаб бўлган. Reddit’нинг кунлик фойдаланувчилари сони 2023 йил билан таққослаганда 47 фоизга ошиб, қарийб 100 миллион кишига яқинлашмоқда.

Reddit платформаси биржага чиққанида, бозордаги биринчи чоракнинг ўзида 575 миллион доллар йўқотган, аммо ўтган чоракда йўқотишларни 10 миллион долларгача қисқартирган ва бу сафар фойда билан чиққан.

Reddit’нинг реклама даромади 315,1 миллион долларга етган, қолган даромадлари эса 33,2 миллион долларни ташкил этмоқда.

Reddit бош директори Стив Хаффман акциядорларга йўллаган мактубида фойдаланувчилар сонининг ўсишини сунъий интеллектга асосланган функцияга ўтилгани билан изоҳлаган. Reddit ўтган йили фойдаланувчиларига постларини француз тилига таржима қилишларига рухсат берган, кейин эса бу борадаги имкониятларини испан, португал, италян ва немис тилларига қадар кенгайтирган. «Замин» янгиликларини «Вконтакти»да кузатиб боринг