Фото: WAM
Дубай полицияси 2026 йил охирига қадар Яқин Шарқда биринчилардан бўлиб Smart Police Station (SPS) — сузадиган ақлли полиция участкасини ишга тушириш режасини маълум қилди.
Ушбу ташаббус Бирлашган Араб Амирликлари вице-президенти, Дубай амири Шайх Муҳаммад бин Рашид Ол Мактумнинг 2 миллиард дирҳамлик стратегик лойиҳасининг бир қисми ҳисобланади ва амирликни дунёдаги энг ақлли ҳамда бахтли шаҳарга айлантириш борасидаги режаларга мос келади.
Подполковник Фейсал Ал Тамимининг таъкидлашича, сузувчи SPS яхталар, кемалар ва сув спорт турларини яхши кўрувчилар учун махсус ишлаб чиқарилган.
Бўлинма жиноятлар ва йўл ҳаракати қоидаларини бузиш ҳолатлари тўғрисида хабар бериш каби 27 та асосий ҳамда йўқолган буюмларни топиш ва рухсатномалар бериш каби 33 та қўшимча хизматларни тақдим этади. Барча хизматлар тўлиқ автоматлаштирилган ва куну тун олтита тилда кўрсатилади.
Участкада ишни оптималлаштириш, анъанавий сервис марказларига боғлиқликни камайтириш ва самарадорликни ошириш мақсадида илғор сунъий интеллект технологиялари ва робототехникадан фойдаланилади.
Сузиб юрувчи мазкур участка Дубайдаги SPS моделларининг тўртинчи версиясига айланади — улар ичидан Drive-Thru ва Walk-In форматлари ҳам ўрин олган. Мазкур инновациялар хавфсизлик даражасини ошириш, ҳаёт сифатни яхшилаш ва аҳолига юқори технологик хизматларни тақдим этишга қаратилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
100 млн сўмгача бўлган кредитлар соддалаштирилган тартибда ажратилади
Бош кийимсиз юришнинг организмга қандай таъсири бор?
Словакия бош вазири Путиннинг таклифини қабул қилди
Энди «Доимий яшаш жойига рўйхатга қўйиш» қулайлашди (видео)
Медведев Россия НАТО ҳарбий базаларига зарба йўллаши мумкинлигини истисно қилмади
Организмда қайси турдаги витамин етишмаётганини қандай аниқлаш мумкин?
Эрдўғон: “Туркия Ғазо можароси тугамагунча Фаластинни қўллаб-қувватлайди”
Германия разведкаси раҳбари: “Россия яқин йилларда НАТОга ҳужум қилиши мумкин”
