Дубайда Қурбон ҳайити намози вақтида кутилмаган ва қизиқарли ҳолат кузатилди. Ижтимоий тармоқларда тарқалган видеода робот мусулмонлар билан бир сафда туриб, байрам намозида иштирок этаётгани акс этган.
Мазкур тасвирлар қисқа вақт ичида интернет фойдаланувчилари орасида кенг муҳокамаларга сабаб бўлди. Айримлар бу ҳолатни замонавий технологияларнинг янги босқичга чиққанининг ёрқин мисоли сифатида баҳолаган бўлса, бошқалар роботнинг масжидда пайдо бўлишидан ҳайратга тушганини яширмади.
Кузатувчиларнинг айтишича, робот ҳаракатлари жуда аниқ ва инсонларга мос тарзда амалга оширилгани алоҳида эътиборга сазовор бўлган. Шунингдек, бу ҳолат келажакда сунъий интеллект ва робототехника ҳаётимизнинг турли соҳаларига янада чуқур кириб келишини кўрсатиши таъкидланмоқда.
Айрим фойдаланувчилар эса бундай янгиликлар дин ва технология уйғунлиги ҳақида янги саволларни ҳам ўртага қўяётганини билдирмоқда.
“Zamin”ни Telegram'да ўқинг!
