АҚШ Уммон кўрфазида Эрон байроғи остида сузиб юрган кемани назоратга олди
АҚШ ҳарбий-денгиз кучлари Уммон кўрфазида Эрон байроғи остида сузиб кетаётган "ТОУСКА" номли юк кемасини тўхтатиб, назоратга олди. АҚШ президенти Доналд Трампнинг маълум қилишича, кема АҚШ томонидан жорий этилган денгиз блокадасини бузишга уринган. Экипаж тўхташ талабига бўйсунмагач, АҚШ кемаси унинг двигателига зарар етказиб, ҳаракатдан тўхтатган. Ҳозирда кема АҚШ денгиз пиёдалари назорати остида текширилмоқда.
Америка Қўшма Штатлари ҳарбий-денгиз кучларига қарашли USS Spruance эсминеци Уммон кўрфазида Эрон байроғи остида сузиб юрган ТОУСКА юк кемасини тўхтатиб, уни назоратга олгани ҳақида хабар берилди.
Бу ҳақда АҚШ президенти Доналд Трамп Truth Social платформасидаги саҳифасида маълумот қолдирган.
Унинг билдиришича, мазкур кема АҚШ томонидан жорий этилган денгиз блокадасини бузишга уринган, бироқ бу ҳаракат муваффақиятсиз якунланган.
Трампнинг ёзишича, Эрон экипажи тўхташ талабига бўйсунмаган, шундан сўнг АҚШ кемаси двигатель қисмига зарар етказиб, уни ҳаракатдан тўхтатган.
Ҳозирда TOUSKA кемаси АҚШ денгиз пиёдалари назорати остида экани ва унинг таркиби текширувдан ўтказилаётгани маълум қилинган.
Изоҳлар 0
…