Буюк Британия транспорт вазири Луиза Хейг
Фото: Getty Images
Буюк Британия транспорт вазири Луиза Хейг 28 ноябрь куни бош вазир Кир Стармерга ўз истеъфосини жўнатди.
ОАВда унинг ўн йил аввал унчалик катта бўлмаган жиноят содир этгани ҳақидаги хабарлар пайдо бўлганидан кейин вазир бу қарорга келган.
Британия газеталари 2013 йилда Аvivа суғурта компаниясида ишлаган Хейг ўша пайтда полицияга ариза йўллаб, кўчада шахсий буюмлари ва иш телефони бўлган сумкасини ўғирлаб кетишганини ёзган. Шундан сўнг компания унга янги компания телефон тақдим қилган.
Манбаларга кўра, у телефон ўғирлангани тўғрисида ёлғон даъво қилган, чунки ўша пайтда ҳамкасбларига тарқатилаётган замонавийроқ иш телефонини хоҳлаган. Орадан бир оз вақт ўтгач, Хейг уйда эски телефон топиб олган.
2014 йилда полиция тергов ўтказган ва аёлни фирибгарликка уринишда айблаган. Судда Луиза Хейг айбини тан олгани учун суд уни бир неча ойлик шартли қамоқ жазосига ҳукм қилган.
Иш тафсилотларининг эълон қилиниши Буюк Британияда кенг резонансга сабаб бўлди ва эртаси куни Хейг истеъфога чиқиш ҳақида ариза берди. Мамлакат бош вазири истеъфони қабул қилиб, “бу албатта ҳукумат ишига бир оз қийинчилик туғдиришини”, таъкидлади.
У Луизага вазир сифатида қилган ишлари учун миннатдорчилик билдирди.
37 ёшли Хейг лейбористлар кабинетидаги энг ёш вазир ҳисобланади. Sky News маълумотларига кўра, унинг судланганлиги энди “оқланган” деб таснифланади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев Россия НАТО ҳарбий базаларига зарба йўллаши мумкинлигини истисно қилмади
100 млн сўмгача бўлган кредитлар соддалаштирилган тартибда ажратилади
Эрон Исроил билан кенг кўламли урушга тайёрлигини маълум қилди
Германия разведкаси раҳбари: “Россия яқин йилларда НАТОга ҳужум қилиши мумкин”
Словакия бош вазири Путиннинг таклифини қабул қилди
Рўзиқул Бердиев: "Рақиб маҳоратли ўйинчиларга эга жамоа, аммо биз кўпроқ ўз ўйинимизга эътибор беришимиз зарур"
Германия йил охиригача Украинага яна иккита ИРИС-Т ҳаво мудофаа тизимини етказиб беради
Сенат: Ўзбекистон йод танқислиги бўйича оғир ҳудуд бўлиб қолмоқда
