Фото: Giorgi Arjevanidze/AFP via Getty Images
Гуржистон пойтахти Тбилисида тўрт кунлик намойишлар давомида 224 киши қўлга олинди, деб хабар қилди Гуржистон Ички ишлар вазирлиги 2 декабр, душанба куни. Қўлга олинганлар полицияга бўйсунмаслик ва майда безориликда айбланмоқда. 36 нафар шахс суд томонидан жаримага тортилган, яна 34 нафар шахс маъмурий қамоққа олинган. Ҳаммаси бўлиб судга 98 киши бўйича материаллар келиб тушган.
Икки намойишчи (2003 ва 2007 йилларда туғилган) жиноий жавобгарликка тортилган. Улар полиция ходимларига ҳужум қилиш ва ўт қўйиш орқали мулкка (шу жумладан, шаҳар мулкига) зарар етказишда айбланмоқда. Айбланувчилар етти йилгача озодликдан маҳрум этилиши мумкин.
Полиция маълумотларига кўра, тартибсизликлар натижасида 113 нафар полициячи жароҳатланган, улардан тўрт нафари касалхонага ётқизилган. Ички ишлар вазирлигининг таъкидлашича, митинг иштирокчилари полиция огоҳлантиришларига қарамай, «бир неча бор провокацион ҳаракатлар содир этган» ва Руставели проспектидаги парламент биноси ва инфратузилмасига зарар етказган.
Тбилисида махсус кучлар намойишчиларга қарши сув пуркагичлардан фойдаланмоқда
Тбилисида тўртинчи кун ҳам давом этган оммавий норозилик намойишларида полиция махсус кучлари парламент биноси яқинида тўпланганларга қарши сув пуркагичлардан фойдаланган. «Руставели проспектидаги вазият таранглигича қолмоқда, махсус кучлар парламент ҳовлиси ички ҳудудидан сув пуркагичларни ишлатишда давом этмоқда, бироқ баъзи намойишчилар жойида қолмоқда», деб ёзади Paper Kartuli.
Шу билан бирга, айрим намойишчилар махсус кучларга қарата тош ва пиротехника воситалари отмоқда, деб ёзади «Эхо Кавказа».
Гуржистоннинг энг йирик банклари Bank of Georgia ва TBC, алоқа операторлари Magti ва Silknet, автомобил дилерлик компанияси Tegeta ва ORBI Group девелопери намойишчилар билан бирдамлик билдирди. Ҳукмрон «Гуржистон орзуси» партиясининг Европа интеграцияси жараёнини тўхтатиб туриш ҳақидаги қарори Гуржистон Ташқи ишлар вазирлиги, Мудофаа вазирлиги, Конституциявий суд ходимлари ва бошқа давлат хизматчилар томонидан ҳам омма олдида қораланган. Бундан ташқари, Гуржистоннинг АҚШ, Нидерландия, Болгария, Италия ва Литвадаги элчилари норозилик сифатида ўз лавозимларини тарк этгани хабар қилинган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Сурия президенти Башар Асад мураккаб вазиятга изоҳ берди
Хитой Доналд Трампнинг BRICS аъзоларига нисбатан таҳдидларига жавоб берди
АҚШ Грузия билан стратегик ҳамкорликни тўхтатди
Андижонда икки фирибгар йигирмадан ортиқ таълим ва тиббиёт ходимларини чув туширди
Арман Царукян: "Махачевни нокаут қилишим шарт, чунки..."
Суриядаги исён: ҳукумат қўшини Ҳалабдан чекинди, Россия авиацияси шаҳарни бомбаламоқда
Google қидирув тизимидан фойдаланиш камаймоқда
АҚШ ядро қуролини Украинага қайтариш имкониятини кўриб чиқмаяпти
