Машҳур YouTube блогер Мr. Beast’ нинг шоуси учун 14 млн долларлик шаҳарча қурилди

Дунёдаги энг машҳур YouTube блогер Мр. Beast’нинг шоуси учун махсус шаҳарча қурилди. Бу ҳақда блогер Instagram аккаунтида маълум қилди. Ушбу ижтимоий тармоқда унга қарийб 63 миллион фойдаланувчи обуна бўлган.

“Янги Beast Games кўрсатувимиз учун 14 миллион доллар қийматидаги шаҳар қурдик, иштирокчилар ўша ерда яшайди! Бу кўрсатувга бор-будимизни сарфладик ва мен 19 декабрни интизорлик билан кутяпман!”, — деб таъкидлади у.

Пост остидаги юзлаб изоҳларда блогернинг кўплаб лойиҳалари мақталган.

We spent $14,000,000 building a city in a field for the contestants in Beast Games to live and compete in.. December 19th is almost here 🥰 pic.twitter.com/gFxjTq5CFD

— MrBeast (@MrBeast) December 8, 2024

Аввалроқ блогер Beast Games “илгари ҳеч ким ҳеч қачон кўрмаган шоу” бўлишини таъкидлаганди. Унда 1000 нафар иштирокчи қатнашиб, 5 миллион доллар миқдоридаги соврин учун курашади.

“Биз яратган декорациялар қанчалик ақл бовар қилмас экани ва шоу қанчалик ҳайратланарли чиқишини сўз билан ифодалаб бўлмайди. Сизларга ваъда бераман, бунақасини ҳеч қачон кўрмагансиз. Beast Games 19 декабрда Prime Video’да намойиш этилади”, — деган у.

2024 йил августда Mr. Beast (асл исми Жимми Доналдсон) можаролар марказида қолгани хабар қилинганди. Хусусан, The New York Times газетаси Beast Games кўрсатувини ишлаб чиқишдаги хавфсизлик муаммолари ҳақида ёзган. TikTok’да лойиҳанинг суратга олиш шароитлари ҳақида аноним хабарлар пайдо бўлди. New York Times мақоласида ўндан ортиқ иштирокчининг сўзлари келтирилган бўлиб, улар етарли овқат ёки тиббий ёрдам олмаганини, ҳатто баъзи иштирокчилар жароҳатланганини айтишган. “Замин” янгиликларини “Инстаграм”да кузатиб боринг