Трамп Си Цзинпинни ўзининг инаугурациясига таклиф қилди

АҚШнинг сайланган президенти Доналд Трамп Хитой президенти Си Цзинпинни келаси ой инаугурация маросимида иштирок этишга таклиф қилди.

Бу ҳақда CBS News телеканали хабар берди ва қўшимча қилинишича, маросимда кўплаб олий тоифали шахсларнинг иштироки кутиляпти.

Трамп ноябрь ойининг бошида, сайловдан кўп ўтмай, Си Цзипинни таклиф қилган, дейди манба. Бироқ у таклифни қабул қилгани ёки йўқлиги аниқ эмас. Вашингтондаги Хитой элчихонаси матбуот котиби ҳам ҳозирча бунга изоҳ бермади.

Сидан ташқари, сайланган президентнинг жамоаси 20 январ куни Капитолийда бошқа етакчиларни ҳам қабул қилишни режалаштирмоқда.

«Дунё етакчилари президент Трамп билан учрашиш учун навбатга туришмоқда. Чунки у тез орада ҳокимиятга қайтиб, дунё бўйлаб Америка кучи билан тинчликни тиклашини билишади», – деди Трампнинг ўтиш даври матбуот котиби Каролин Леавитт.

Янгиликлар