Фото: The New York Times
АҚШнинг сайланган президенти мамлакатда стратегик нефть захирасига ўхшаш стратегик биткоин захирасини яратиш режаларини эълон қилганидан сўнг, биткоин янги рекорд ўрнатди ва 106 минг доллардан ошди.
Энг машҳур ва капитализацияси бўйича энг катта криптовалюта ҳисобланмиш биткоин курси 106780 долларга етди. Иккинчи йирик криптовалюта — эфир курси ҳам 3952 долларга кўтарилди.
IG компанияси таҳлилчиси Тони Сикаморнинг сўзларига кўра, “биржа бозорида биткоин 110 минг долларга етиши кутилмоқда”.
Биткоин ва бошқа криптовалюталар эътибор марказига тушди, чунки инвесторлар Трампнинг бўлажак маъмурияти криптовалютага нисбатан дўстона тартибга солиш муҳитини яратишига умид қилмоқда. Бир йил ичида биткоин 192 фоизга ўсди.
“Биз криптовалюта билан сезиларли ишларни амалга оширмоқчимиз, чунки Хитой ёки яна кимдир уни қабул қилишини хоҳламаймиз. Биз етакчи бўлишни истаймиз”, деди Трамп CNBC телеканалига берган интервьюсида.
Ундан нефть захирасига ўхшаш криптовалюта захирасини яратиш режалаштириляптими, деб сўрашганида, Трамп “Ҳа, ўйлайманки, ҳа,” дея ижобий жавоб берди.
CoinGecko таҳлилий порталининг қайд этишича, июль ҳолатига кўра, дунё мамлакатлари ҳукуматлари умумий биткоин ҳажмининг 2,2 фоизига эгалик қилишган, Қўшма Штатлар эса 20 миллиард доллардан ортиқ қийматга эга деярли 200 минг биткоинга эгалик қилган.
АҚШ Федерал захира раиси Жером Пауэлл шу ойнинг бошида биткоинни олтин билан таққослаган эди.
Таҳлилчиларнинг таъкидлашича, криптовалюта захирасини яратиш учун вақт талаб этилади.
“Ўйлайманки, биз ҳали ҳам биткоиннинг стратегик захирасига нисбатан эҳтиёткор бўлишимиз керак ва ҳеч бўлмаганда бу яқин келажакда содир бўлмаслиги мумкинлигини ҳисобга олишимиз керак”, деди Perrerstone тадқиқот бўлими раҳбари Крис Уэстон.
5 ноябрь куни бўлиб ўтган президентлик сайловларида Трамп ғалаба қозонганидан сўнг, биткоин 50 фоиздан кўпроққа ошган эди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Наманганда халқаро кўргазма: қиймати хонадонга тенг отлар, 200 килоли қўйлар ва осмонга учирилган кабутарлар (фото, видео)
Хорижлик мутахассислар учун 2024 йилдаги энг яхши шаҳарлар рейтинги эълон қилинди
Абдуқодир Ҳусановнинг трансфер баҳоси Роналдуники билан тенглашди, навбат Мессига(ми?)
Туркия Суриянинг янги ҳукуматини ҳарбий соҳада қўллаб-қувватламоқчи
Бейонсе ва Тейлор Свифт дунёнинг 100 нафар энг нуфузли аёллари рўйхатига киритилди
Хитой биринчи «гипертовушли самолёт»ни синовдан ўтказди
Тошкентда 200 минг сўмлик қалбаки купюраларни ясаган шахслар ушланди
Дунёдаги энг йирик айсберг яна ҳаракатланишни бошлади
