Сурия исёнчилари етакчиси мурожаат билан чиқди

Сурия исёнчилари етакчиси Буюк Британия ва БМТ расмийлари билан учрашиб, халқаро ҳамжамиятни ўз мамлакатига қарши санкцияларни бекор қилишга чақирди.

Башар ал-Ассад ҳукумати ағдарилганидан 10 кун ўтгач, Суриядаги исёнчи "Ҳаят Таҳрир аш-Шам" гуруҳи раҳбари Аҳмад ал-Шаара (Абу Муҳаммад ал-Жўлоний билан танилган) халқаро ҳамжамият билан мулоқотни бошлади.

Исёнчилар етакчиси халқаро ҳамжамиятни Сурияга Асад даврида жорий этилган санкцияларни бекор қилишга чақирмоқда. Душанба куни Аҳмад ал-Шаара Британия дипломатлари ва БМТ вакиллари билан учрашди.

Яқин орада суриялик исёнчилар раҳбари Франция ва Германия вакиллари билан учрашади, бошқа Ғарб давлатлари ҳам ҳамкорликка тайёр эканини билдирган. «Замин»ни Telegram’да ўқинг!